default_image

1 year ago

September 7, 2022

भलिबल संघको निर्वाचन आज, चन्द र मास्के प्यानलबीच प्रतिस्पर्धा

काठमाडौं (हाम्रो खेलकुद) – नेपालको राष्ट्रिय खेल भलिबलको सर्वाेच्च संस्था नेपाल भलिबल संघको नवौं चुनावी साधारण सभा बुधबार काठमाडौंमा हुँदैछ । अघिल्लो साधरणसभामा अध्यक्षलगायतका कार्यसमितिमा निर्विरोध निर्वाचित भएपनि यसपटक चुनाव हुने सम्भावना बढी छ । संघको उपाध्यक्ष रहेकी निरोज मास्केले यसअघि नै भलिबल बिकासका लागि पाँच ‘प’ को प्रतिबद्धतासहित अध्यक्षको लागि उम्मेदवारी दिने घोषणा गरिसकेका […]

148 views

0 Bookmark

काठमाडौं (हाम्रो खेलकुद) – नेपालको राष्ट्रिय खेल भलिबलको सर्वाेच्च संस्था नेपाल भलिबल संघको नवौं चुनावी साधारण सभा बुधबार काठमाडौंमा हुँदैछ ।

अघिल्लो साधरणसभामा अध्यक्षलगायतका कार्यसमितिमा निर्विरोध निर्वाचित भएपनि यसपटक चुनाव हुने सम्भावना बढी छ । संघको उपाध्यक्ष रहेकी निरोज मास्केले यसअघि नै भलिबल बिकासका लागि पाँच ‘प’ को प्रतिबद्धतासहित अध्यक्षको लागि उम्मेदवारी दिने घोषणा गरिसकेका छन् । भने संघका महासचिव रहेका जितेन्द्र बहादुर चन्दले आइतबार मात्रै एजेन्डासहित उम्मेदवारी दिने घोषणा गरेका छन् ।

यि दुवैको तर्फबाट महासचिवमा पनि उम्मेदवारी परेकाले दुवै पछि हट्ने सम्भावना न्यून हुँदा प्रतिस्पर्धा हुने सम्भावना बलियो छ । यि दुवैले छुट्टै प्यानल नबनाएको भनेपनि चन्द पक्षबाट रोशन श्रेष्ठ र मास्केपक्षबाट मनवीर छन्त्यालले महासचिवमा उम्मेदवारी दिने घोषणा गरेका छन् । यस अर्थले पनि अध्यक्ष र महासचिवका लागि निर्वाचन हुने सम्भावना छ ।

दुवै टोलीले एक विशेष कार्यक्रमसहित उम्मेदवारी दिने घोषणा गरेका थिए । यसपटक निर्वाचित हुने अध्यक्ष संघको व्यक्तिगत सातौं र समग्रमा आठौं अध्यक्ष हुनेछन् । २०३३ सालमा स्थापित संघमा यसअघि अनुप शम्शेर जवरा, बासुदेव प्रधान, प्रकाश थपलिया, अनुप शम्शेर जवरा, गंगा बहादुर थापा (२०५४–२०६८), दान बहादुर तामाङ (२०६८–२०७२) र मनोरन्जनरमण शर्मा (२०७२–७९) अध्यक्ष रहिसकेका छन् । अनुप शम्शेर जवरा दुईपटक अध्यक्ष भएका थिए ।

निरोज मास्के अध्यक्षमा निर्वाचित भए उनी भलिबल संघको इतिहासमा पहिलो महिला अध्यक्ष बन्नेछिन् ।
चन्दलाई वर्तमान अध्यक्ष मनोरञ्जनरमण शर्माको साथ रहेको विश्वास गरिएको छ । उता मास्केका प्यानललाई पूर्व अध्यक्षद्वय गंगा बहादुर थापा र दान बहादुर तामाङलगायतको साथ रहेको देखिएको छ ।

मास्केले दुई वर्षअघि नै अध्यक्षमा उम्मेदवारी दिने घोषणा गरेकी थिइन् । केन्द्रिय सदस्य हुँदै संघमा प्रवेश गरेकी मास्केले त्यसपछि कोषाध्यक्ष हुँदै उपाध्यक्ष बनेकी थिइन् । उम्मेदवारी घोषणा गर्दै उम्मेदवार मास्केले भलिबल विकासका लागि पाँच ‘प’ को आफ्नो प्रतिबद्धता पनि सार्वजनिक गरेकी छिन् । जसमा प्रशिक्षण, प्रतियोगिता, पूर्वाधार, प्रोत्साहन र प्रशासनिक संरचना रहेका छन् ।

प्रशिक्षणमा खेलाडीतर्फ ग्रासरुट, विद्यालय, उमेर समूह, क्लब, सिनियर र भेट्रानमा प्रशिक्षण हुनेछ । रेफ्री र प्रशिक्षकतर्फ पालिका, जिल्ला, प्रदेश र केन्द्रमा प्रशिक्षण हुनेछ । यस्तै ग्रासरुट देखि नै ट्यालेन्ट हन्ट, स्कुल टु युनिभर्सिटी कार्यक्रम र पालिका स्तरका कार्यक्रम पनि रहेका छन् ।

प्रतियोगितातर्फ विद्यालय, क्लब, पालिका, जिल्ला, प्रदेश, राष्ट्रिय, अन्तर्राष्ट्रिय (सहभागिता र आयोजना), भेट्रान, पारा, व्यवसायिक र कर्पाेरेट, बिच भलिबलसँगै प्रदेश र केन्द्रिय स्तरमा स्तरीय क्लब प्रतियोगिता आयोजना गर्ने आफ्नो घोषणा पत्रमा उल्लेख छ । पूर्वाधारतर्फ केन्द्रमा व्यवस्थित कभर्डहल, हरेक प्रदेशमा राष्ट्रिय स्तरका कभर्डहल, केन्द्र तथा प्रदेशमा भलिबल एकेडेमी, स्थानिय तहमा पुर्वाधार र बिच भलिबलको केन्द्र स्थापना रहेका छन् ।

प्रोत्साहनतर्फ राष्ट्रिय टिमका खेलाडीलाई नियमित सेवा सुविधा, खेलाडी, प्राविधिक तथा अफिसियलको बिमा, खेलाडी बर्गिकरण र सहुलियत कार्डको व्यवस्था र खेलाडी एक्सचेन्ज र एक्सपोजर कार्यक्रम रहेको छ ।

प्रशासनिक संरचनामा व्यवस्थित कार्यालय र प्रशासन, आर्थिक नियमावलीसहित पारदर्शिता, विभिन्न विभाग गठन र परिचालन, व्यवस्थित सुचना सञ्चार प्रवाह र दक्ष र प्रविधियुक्त प्राविधकहरु राख्ने रहेका छन् । श्रोत व्यवस्थापनतर्फ सरकारी निकायसँग साझेदारी, नीजि क्षेत्रको परिचालन, सदस्यता वितरण र प्रभावकारी बाँडफाड व्यवस्था, रणनीतिक साझेदार, एनआरएनए र विश्वभर छरिएका भलिबल प्रेमी शुभेच्छुक र पेशागत संघ संस्था र समुदायको संलग्नता एवं परिचालन गर्ने रहेको छ ।

यस्तै खेलाडी हुँदै एक दशकदेखि संघको महासचिव पदमा काम गरिसकेका चन्दले १४ वटा एजेन्डामा प्रस्तुत गर्दै आफ्नो नेतृत्वमा रहेको टिमले त्यसलाई पूरा गरेरै छोड्ने बताएका छन् । ‘हामीले १४ एजेन्डा मात्र प्रस्तुत गरेका छौ । त्यसलाई पूरा गर्न सकेनौ भने त्यो बेलामा आएर हामीलाई भन्नुस् । हामीले पूरा गर्न सक्ने एजेन्डा बनाएका छौ,’ चन्दले भनेका थिए, ‘मेरो नेतृत्वमा आएको नयाँ कार्यसमितिले आफुले गरेको प्रतिबद्धता पूरा गर्नेछ । उनले नयाँ कार्यसमितिले काठमाडौ महानगरपालिकाका मेयर बालेन्द्र साह बालेन’ को स्टाइलमा काम गरेमा भलिबलको आफ्नै कभर्डहल बन्ने तथा भलिबल विकास हुने बताएका छन् ।

१४ एजेन्डामध्ये स्थानीय तह जिल्ला प्रदेशदेखि केन्द्रसम्म रहेका संघहरुलाई व्यवस्थित गर्दै भलिबल खेलको बिकास गर्ने, संघ र संघसँग सम्बन्धित निकायसँग छलफल गरी वार्षिक क्यालेन्डर प्रकाशित गर्ने, कार्यन्वयन गर्ने, विद्यालय भलिबल कमिसनलाई सक्रिय गराई कम्तीमा वर्षमा महिला र पुरुषको १–१ राष्ट्रिय टिम बनाइ अन्तर्राष्ट्रिय उमेर समूहमा सहभागी गराउने एजेन्डा छन् ।

यसपटक ३९ सदस्यीय कार्यसमितिमा अध्यक्ष, ५ उपाध्यक्ष, महासचिव, कोषाध्यक्ष, ७ सचिव र १० सदस्य गरी २५ जना निर्वाचित हुनेछन् । बाँकी १४ मध्ये १३ जनालाई निर्वाचित कार्यसमितिले मनोनित गर्नेछ । १ जना पूर्व अध्यक्ष पदेन सदस्यका रुपमा रहनेछन् ।

निर्वाचनमा १ सय ३६ जना मतदाता रहेपनि यसपल्ट भने १३३ जनाले मात्र मतदान गर्न पाउनेछन् । ७७ वटै जिल्लाबाट ७७ जना, सात प्रदेशबाट १४ जना, हालको केन्द्रीय कार्यसमितिबाट ३९ जना रहेपनि तीन जना राखेपका कर्मचारी रहेकाले मत हाल्न पाउने छैनन् । रेफ्री कमिसनबाट १ र राष्ट्रिय खेलाडी (पुरुष र महिला) र तीन सिभिल क्लब (ढोरपाटन भलिबल प्रशिक्षण केन्द्र, न्यू डायमण्ड युथ स्पोर्टस क्लब र जावलाखेल भलिबल प्रशिक्षण केन्द्र) ले संघको निर्वाचनमा मताधिकार पाएका छन् ।

March 3, 2024

आर्मीलाई मदन भण्डारी कप हक्की उपाधि

काठमाडौं (हाम्रो खेलकुद) – त्रिभुवन आर्मी क्लबले प्रथम मदन भण्डारी कप राष्ट्रिय महिला हक्की प्रतियोगिताको उपाधि जितेको छ । धनुषाको क्षीरेश्वरनाथ नगरपालिकामा आइतबार भएको फाइनलमा आर्मीले आयोजक मदन भण्डारी स्पोर्ट्स एकेडेमीलाई ४–२ गोलले हरायो । रोचक खेलको पहिलो हाफमा दुवै पक्षबाट गोल हुन सकेन । आर्मीको जितमा सितामाया बल र सिमा खड्काले समान २ गोल […]

March 3, 2024

ओलम्पिक छनोटमा चन्द्रको जित

काठमाडौं (हाम्रो खेलकुद) – नेपाली बक्सर चन्द्रबहादुर थापाले ओलम्पिक छनोटमा विजयी सुरुवात गरेका छन् । इटालीको मिलानमा जारी छनोटको पुरुष ५१ केजीमा चन्द्रले ताजकिस्तानका साफिएभ मेहरोनलाई ३–२ को स्पिलिट डिसिजनको आधारमा हराउँदै अगाडि बढेका छन् । अर्को चरणमा चन्द्र्रले क्यानडाका खेलाडीसँग प्रतिस्पर्धा गर्ने नेपाल बक्सिङ संघका उपाध्यक्ष श्याम अवालेले जानकारी दिए । महिला छनोटको ५४ […]

March 3, 2024

नेपाल आउने आयरल्यान्ड वल्भ्सको टोली घोषणा

काठमाडौं (हाम्रो खेलकुद) – नेपाल भ्रमण आउन लागेको आयरल्यान्ड वल्भ्सको टोली घोषणा भएको छ । आयरल्यान्डको ए टोलीलाई वल्भ्सको नामले चिनिन्छ । क्रिकेट आयरल्यान्डले निल रकको कप्तानीमा ८ खेल खेल्न नेपाल आउने १५ सदस्यीय टोलीको घोषणा गरेको हो । टोलीमा सिनियर टोलीबाट खेलिसकेका ९ खेलाडी समावेश छन् । कप्तान निल रकसँगै ग्यारेथ डेल्नी, जेम्स मक्कोलम, […]

Success

Thank you for your time.