3 years ago
October 24, 2022
गण्डकी प्रदेशको पोखरामा गत साता नवौं राष्ट्रिय खेलकुद २०७९ सम्पन्न भयो । माछापुच्छ्रेको काखमा अवस्थित पोखरा रंगशाला परिसरमा राष्ट्रिय खेलकुदका अधिकांश खेल सम्पन्न भए । नवौं राष्ट्रिय खेलकुदका दौरान हाम्रो खेलकुदका उत्सव शाक्यले कैद गरेको ९ महत्त्वपूर्ण क्षण यसप्रकार छ ।
१. एथलेटिक्स अन्तर्गत पुरुष ३ हजार मिटर स्टिपलचेजमा राष्ट्रिय कीर्तिमान सहित स्वर्ण जितेपछि कर्णाली प्रदेशका दुर्गा बहादुर बुढा जन्मभूमि जुम्लाको स्याउ टोकेर खुसियाली मनाउँदै ।
२. एथलेटिक्सको पुरुष १ सय मिटर दौडमा स्वर्ण जिते पछि हर्षित एपिएफका शिवराज पार्की ।
३. एथलेटिक्सको लङ जम्पका दौरान आर्मीकि जयरानी थारु । जयरानीले नवौंमा तीन व्यक्तिगत स्पर्धामा राष्ट्रिय कीर्तिमानसहित स्वर्ण जितेकी थिइन् । उनले दुई रिलेसहित कुल ५ स्वर्ण जितिन् ।
४. पूर्व राष्ट्रिय स्क्वास खेलाडी हिरा थापा मगर छोरा अमृत थापा मगरलाई स्क्वासको पुरुष एकलतर्फ फाइनल खेलमा प्रशिक्षण दिदै । अमृतले उक्त फाइनल जित्दै स्वर्ण हासिल गरेका थिए ।
५. नवौं राष्ट्रिय खेलकुदमा ९ स्वर्ण र एक रजत सहित सर्वाधिक १० पदक जित्न सफल त्रिभुवन आर्मी क्लबकी पौडी खेलाडी डुवाना लामा ।
६. त्रिभुवन आर्मी क्लबका नवयुग श्रेष्ठले समूह चरणको खेलमा नेपाल पुलिस विरुद्ध गरेको सुरुवाती गोल सोही दिन विहान आर्मीका प्याराग्लाइडिङ खेलाडीको निधन भएका निसिम थापालाई समर्पण गरे ।
७. डेब्यु प्रतियोगितामै स्वर्ण जितेपछि खुसी मनाउँदै नेपाल पुलिस क्लब महिला क्रिकेट टोलीका खेलाडी ।
८. पुरुष फुटबलको फाइनलमा एपिएफविरुद्ध एक्रोबेटिक किक प्रहार गर्दै त्रिभुवन आर्मी क्लबका नवयुग श्रेष्ठ ।
९. नवौं राष्ट्रिय खेलकुदको ट्रफीसँग खुसीयाली मनाउँदै विजयी टोली त्रिभुवन आर्मी क्लब ।
December 5, 2025
हिमाल खरेल, बिर्तामोड त्रिभुवन आर्मी क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ । आर्मीले २१–२५, १८–२५ र १०–२५ को सोझो सेटमा […]
December 5, 2025
एजेन्सी – म्यानचेष्टर युनाइटेड र वेस्ट हम युनाइटेडबीच बिहीवार राति ओल्ड ट्राफोर्डमा भएको प्रिमियर लिग खेल १-१ को बराबरीमा सकिएको छ। खेलको सुरुआतदेखि युनाइटेडले बलमा नियन्त्रण राख्दै आक्रमणको लय बनायो । पहिलो हाफमै टोलीले दुई उत्कृष्ट मौका पायो । जोसुवा जिर्क्जीको नजिकबाट गरेको प्रहार वेस्ट हमका डिफेन्डरले गोललाइनमै क्लियर गरिदिए। केहीबेरमै कप्तान ब्रुनो फर्नान्डेजको सशक्त […]
December 4, 2025
काठमाडौ (हाम्रो खेलकुद)- लगातारको छैटौं जितमा सुदूरपश्चिम रोयल्सले नेपाल प्रिमियर लिग (एनपिएल) दोस्रो सिजनको पहिलो क्वालिफायरमा स्थान सुरक्षित गरेको छ। सुदूरपश्चिमले आज चितवन राइनोजलाई ४९ रनले हरायो। सुदूरपश्चिम जारी लिगको एक मात्र अपराजित टोली हो। चौथो हार बेहोरेको चितवनको भने प्ले अफ यात्रा निकै कठिन बनेको छ। चितवनको हारले विराटनगर किङ्सको प्ले अफ यात्रा पक्का […]
