1 year ago
December 4, 2022
काठमाडौं (हाम्रो खेलकुद) – नेपालको पब्जी टोली द रिअल सोल्जर्स (डीआरएस) पब्जी मोबाइल ग्लोबल च्याम्पियनसिपको अन्तिम चरणमा छनोट भएको छ । यसअघि नेपालकै ट्रेन्ड टु किल (टि२के) छनोट भएको प्रतियोगितामा डीआरएस तेस्रो चरण पार गर्दै छनोट भएको हो । यससँगै दुवै टोलीले कम्तिमा १ करोड नेपाली रुपैयाँ पुरस्कार पाउने पक्का भएको छ । गत आइतबार […]
काठमाडौं (हाम्रो खेलकुद) – नेपालको पब्जी टोली द रिअल सोल्जर्स (डीआरएस) पब्जी मोबाइल ग्लोबल च्याम्पियनसिपको अन्तिम चरणमा छनोट भएको छ । यसअघि नेपालकै ट्रेन्ड टु किल (टि२के) छनोट भएको प्रतियोगितामा डीआरएस तेस्रो चरण पार गर्दै छनोट भएको हो । यससँगै दुवै टोलीले कम्तिमा १ करोड नेपाली रुपैयाँ पुरस्कार पाउने पक्का भएको छ ।
गत आइतबार सम्पन्न पहेंलो समूहको खेलमा समग्रमा तेस्रो स्थान हासिल गर्दै टि२केले अन्तिम चरणमा स्थान बनाएको थियो । यता नेपालबाट सहभागी द रियल सोल्जर्स (डिआरएस) र स्काइलाइट्ज गेमिङले आ-आफ्नो समूहमा शीर्ष ११ मा रहँदै सर्भाइभल चरणका लागि छनोट भएका थिए ।
डीआरएस दोस्रो चरण मानिएको सर्भाइभल स्टेजको शीर्ष १६ मा स्थान बनाउँदै छनोटको तेस्रो चरणमा अघि बढेको थियो । सर्भाइभल स्टेजमा डीआरएस १ सय १४ अंकसहित सातौं स्थानमा थियो । स्काइलाइट्ज भने ६० अंकसहित २१ औं स्थानमा रहेर छनोटबाट बाहिरियो ।
तेस्रो चरण अर्थात लास्ट स्टेजमा डीआरएस शीर्ष ५ मा पर्दै पब्जीको विश्वकप मानिने पिएमजिसीका लागि छनोट भएको हो । डीआरएसले १ सय ११ अंक जोड्दै चौथो स्थान हासिल गरेको थियो ।
यता टि२केले पहिलो चरणमै कुल २ सय १४ अंक जोड्दै शीर्ष ३ मा पर्न सफल रहेर अन्तिम चरणमा स्थान बनाएको थियो । यस समूहमा जापानको रिजेक्ट टोली र टि२केको समान अंक भएपनि प्लेसमेन्ट अंकका आधारमा टि२के अघि बढ्न सफल भयो । रिजेक्टले तेस्रो चरणमा स्थान बनाएपनि ११ औं स्थान हासिल गरेपछि विश्वकपका लागि छनोट हुन सकेन ।
यसअघि पहिलो चरणमा डिआरएसले रातो समूहमा १ सय ८२ अंकसहित छैटौं स्थान हासिल गरेको थियो । स्काइलाइट्ज भने १ सय ७६ अंकसाथ नवौं भएको थियो ।
मलेसियाको कुआलालम्पुरमा सम्पन्न समूह चरणबाट शीर्ष तीन टोलीले सिधै अन्तिम चरणमा स्थान बनाएका थिए । अन्तिम चरण अर्को वर्ष जनवरीमा जकार्तामा हुनेछ । त्यस्तै हरेक समूहबाट चौथो देखि ११ औं स्थान हासिल गर्ने टोलीले सर्भाइभल स्टेज र लास्ट स्टेज हुँदै विश्वकप छनोट हुने प्रावधान थियो । सहभागी ४८ टोलीलाई रातो, हरियो र निलो समूहमा विभाजन गरिएको थियो ।
March 19, 2024
काठमाडौं (हाम्रो खेलकुद) – विभागीय नेपाल एपिएफ क्लबले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ तीन भारतीय खेलाडी सम्मिलित सुदुरपश्चिम प्रदेशमाथि सानदार पूनरागमन जित दर्ता गरेको छ । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा मंगलबार सुरुवाती दुई सेट गुमाएको एपिएफले त्यसपछिको सबै तीन सेट आफ्नो पक्षमा पार्दै सानदार पूनरागमन जित निकाल्दै समूह […]
March 19, 2024
काठमाडौं (हाम्रो खेलकुद) – युवा तथा खेलकुद मन्त्री विराजभक्त श्रेष्ठले नेपाली खेलकुद एकैदिनमा उदो गतिमा नपुगेको बताएका छन् । नेपाल खेलकुद पत्रकार मञ्ज (एनएसजेएफ) को आयोजनामा मंगलबार भएको अन्र्तक्रिया कार्यक्रममा मन्त्री श्रेष्ठले चरणबद्ध रूपमा नेपाली खेलकुद उदो गतिमा गएको धारणा राखेका हुन् । मञ्चले मन्त्री श्रेष्ठसँग परिचयात्मक र अन्र्तक्रिया कार्यक्रम आयोजना गरेको थियो । मञ्चका […]
March 19, 2024
काठमाडौं (हाम्रो खेलकुद) – युवा तथा खेलकुद मन्त्री बिराजभक्त श्रेष्ठलाई खेलाडीको विदेश पलायनलाई रोक्नका लागि ठोस कदम चाल्न नेपाल राष्ट्रिय तथा अन्तर्राष्ट्रिय खेलाडी संघले सुझाव दिएको छ । पछिल्लो दुई वर्षमा झण्डै ६० जना व्यवसायिक फुटबल खेलाडीसहित दक्षिण एसियाली खेलकुदका पदक विजेता तेक्वान्दो, करातेलगायतका खेलाडी विदेश पलायन भइसकेका छन् । नवनियुक्त खेलकुद मन्त्री श्रेष्ठलाई मंगलबार […]