default_image

9 months ago

May 23, 2023

लगातार दोस्रो सहज जितसँगै भारत सेमिफाइनल नजिक

काठमाडौं (हाम्रो खेलकुद) – भारतले एनएससी–काभा महिला भलिबल च्यालेन्ज कप २०२३ अन्तरगत दोस्रो खेलमा कीर्गिस्तानलाई सोझो सेटमा पराजित गर्दै सेमिफाइनल नजिक पुुागेको छ । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा भएको खेलमा भारतले कीर्गिस्तानलाई ३(० को सोझो सेटमा पराजित गर्दै लगातार दोस्रो जित हात पारेको हो । भारतले कीर्गिस्तानलाई २५-१७, २५-८ र २५-८ को […]

294 views

0 Bookmark

काठमाडौं (हाम्रो खेलकुद) – भारतले एनएससी–काभा महिला भलिबल च्यालेन्ज कप २०२३ अन्तरगत दोस्रो खेलमा कीर्गिस्तानलाई सोझो सेटमा पराजित गर्दै सेमिफाइनल नजिक पुुागेको छ । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा भएको खेलमा भारतले कीर्गिस्तानलाई ३(० को सोझो सेटमा पराजित गर्दै लगातार दोस्रो जित हात पारेको हो ।

भारतले कीर्गिस्तानलाई २५-१७, २५-८ र २५-८ को सोझो सेटमा पराजित गरेको हो । कीर्गिस्तानले पहिलो सेटमा केहि प्रतिस्पर्धा गरेपनि उक्त प्रदर्शन पुन दोहोराउन सकेन । भारतले दोस्रो र तेस्रो सेट सहजै जितेको थियो । पहिलो खेलमा भारतले बंगलादेशलाई ३(० सोझो सेटमा नै पराजित गरेको थियो ।

समूह ए मा रहेको भारत २ खेलमा ६ अंकका साथ शीर्षस्थानमा छ । नेपालले आज दिउँसो ३ बजे बंगलादेशसँग खेल्नेछ । पहिलो खेलमा नेपालले कीर्गिस्तानलाई ३-० को सोझो सेटमा पराजित गरेको थियो । नेपाल आज विजयी भएमा नेपाल र भारत एक खेल अगावै सेमिफाइनलमा पुग्नेछन् । भारतले समूह चरणको अन्तिम खेल नेपालसँग बुधबार खेल्नेछ ।

यस्तै समूह बी अन्तर्गत श्रीलंका र काजकस्तानबीचको खेल मध्यान्ह १२ः३० बजे हुनेछ । उज्वेकिस्तान र माल्दिभ्सबीचको खेल साँझ ६ः३० बजे हुनेछ । काजकस्तानले पहिलो खेलमा माल्दिभ्सलाई तथा उज्वेकिस्तानले श्रीलंकालाई पराजित गरेको छ । काजकस्तान र उज्वेकिस्तान विजयी भएमा समूह ‘बी’ बाट अन्तिम खेल अघि नै सेमिफाइनल पुग्ने टोलीको टुंगो लाग्नेछ।

च्यालेन्ज कपमा ८ राष्ट्रको सहभागिता रहेको छ । सहभागी टोलीलाई दुई समूहमा विभाजन गरिएको छ । सात दिने प्रतियोगिताको सुरुवाती तीन दिन ४ खेल र बाँकी ४ दिन दुई खेल हुनेछन् । समूह एमा नेपालसँगै भारत, बंगलादेश र कीर्गिस्तान छ । अर्को समूहमा उज्वेकिस्तान, श्रीलंका, माल्दिभ्स र काजकास्तान रहेका छन् ।

February 28, 2024

प्रितीको विजयी गोल फिजियो नविनालाई समर्पण

काठमाडौं (हाम्रो खेलकुद) – स्टार मिडफिल्डर प्रिती राईले वाफ च्याम्पियनसिप २०२४ को सेमिफाइनलमा गरेको विजयी गोल फिजियोथेरापिस्ट नविना श्रेष्ठ वैद्यलाई समर्पित गरेकी छिन् । लेवनानविरुद्ध दोस्रो हाफको इन्ज्युरी समयमा प्रितीले पेनाल्टी क्षेत्र बाहिरबाट सानदार गोल गर्दै नेपालको २-१ को जित पक्का गरेकी थिइन् । उनकै गोलमा नेपालले फाइनलमा स्थान बनाएको थियो । खेलपछि बोल्दै प्रितीले […]

February 28, 2024

साम्बाले फाइनल खेल्ने अन्यौलमा!

काठमाडौं (हाम्रो खेलकुद) – नेपाली महिला राष्ट्रिय टोलीले वाफ च्याम्पियनसिप २०२४ को फाइनलमा स्थान बनाउँदा स्टार फरवार्ड सावित्रा भण्डारी साम्बाले खेल्ने-नखेल्ने अन्यौल रहेको छ । नेपालले मंगलबार सम्पन्न सेमिफाइनलमा लेवनानलाई २-१ ले पराजित गर्दै फाइनलमा स्थान बनाएको हो । उक्त खेलमा नेपालका लागि बराबरी गोल समेत गरेकी साम्बा फाइनलमा भने अनुपस्थित रहने सम्भावना छ । […]

February 28, 2024

अन्तिम समयमा प्रितीको गोलसँगै नेपाल फाइनलमा

काठमाडौं (हाम्रो खेलकुद) – इन्ज्युरी समयमा प्रिती राईले उत्कृष्ट गोलसँगै नेपाल लेबनान विरुद्ध पुनरागमन जित दर्ता गर्दै पश्चिम एसियाली फुटबल एसोसिएसन (वाफ) महिला च्याम्पियनसिपको फाइनल प्रवेश गरेको छ । साउदी अरेबियामा जारी प्रतियोगितामा मंगलबार पहिलो हाफमा १-० ले पछि परेको अवस्था उल्ट्याउँदै नेपालले प्रितीको गोलमा २-१ को नाटकीय जित दर्ता गरेको हो । खेल १-१ […]

Success

Thank you for your time.