default_image

1 year ago

July 7, 2023

उपाधि दावेदार पुलिसको टोली घोषणा

268 views

0 Bookmark

काठमाडौं (हाम्रो खेलकुद) – नेपाल पुलिस क्लबले सातौं प्रधानमन्त्री कप एनभिए महिला तथा पुरुष राष्ट्रिय भलिबल क्लब लिगका लागि टोली घोषणा गरेको छ ।

पुलिसले राष्ट्रिय खेलाडीको बलियो उपस्थिति सहित अन्तिम टोली घोषणा गरेको हो । पुलिसलाई महिलातर्फ उपाधिको बलियो दावेदार मानिएको छ । गत संस्करण आर्मीले पुलिसको महिला टोलीलाई फाइनलमा हराएको थियो ।

पुलिसको पुरुष टोली भने हेल्प नेपालको आगमन र एपिएफको उदयले केहि छायाँमा पर्दै आएको छ । यसपटक टोली आफ्नो पुरानो छवी फर्काउन प्रयासरत हुनेछ । सेटर ईम रानाले राष्ट्रिय टोली छाडेपनि पुलिसको टोलीमा भने कप्तानी गर्दैछन् ।

प्रतियोगिता असार २३ देखि ३० गतेसम्म दशरथ रंगशालाको कभर्ड हलमा हुँदैछ । राउन्ड रोबिन लिगमा सबै टोलीले एक आपसमा खेलेपछि लिगको शीर्ष दुई टोलीले फाइनलमा उपाधिका लागि खेल्नेछन् । सम्पूर्ण खेलको प्रत्यक्ष प्रसारण हाम्रो खेलकुदको मोबाइल एपमार्फत हेर्न सकिनेछ ।

प्रतियोगितामा क्लब च्याम्पियनसिपबाट छनोट भएका पुरुषतर्फ ७ टोली र महिलातर्फ ६ टोलीले प्रतिस्पर्धा गर्दैछन् । पुरुषमा त्रिभुवन आर्मी क्लब, नेपाल एपिएफ क्लब, नेपाल पुलिस क्लब, गण्डकी प्रदेश, टिप टप हेल्प नेपाल स्पोर्ट्स क्लब, शैलुंग बाग ढुंगा स्पोर्ट्स क्लब र दावाली मिलन क्लब रहेका छन् ।

महिलातर्फ नेपाल पुलिस क्लब, त्रिभुवन आर्मी क्लब, नेपाल एपिएफ क्लब, न्यु डायमन्ड युथ स्पोर्ट्स क्लब, गण्डकी प्रदेश र एभरेष्ट भलिबल क्लबले प्रतिस्पर्धा गर्नेछन् ।

पुरुष टोली :

द्वारिका थापा, अभिषेक थापा, सफल विक, रविन नगरकोटी, भिम बहादुर गाहा, विशाल विक, प्रज्वल मल्ल, रविन चन्द, इम बहादुर राना (कप्तान), सरोज चम्लागाई, कुल बहादुर थापा (हरी), तोरण बहादुर चन्द

अफिसियल : चन्द्र बहादुर कुँवर (प्रशिक्षक), लोकेन्द्र सिंह भाट (सहायक प्रशिक्षक), रुकेश तन्डुकार (व्यवस्थापक)

महिला टोली :

लक्ष्मी चन्द, यमुना रसाइली, मनिषा चौधरी, तिला चौधरी, पुनम चन्द, उषा भण्डारी, आशिका क्षेत्री, कोपिला राना, सरस्वती कट्टेल, कमला पुन, कामना विष्ट, शान्तिकाला तामाङ

अफिसियल : रुपेश कुमार विष्ट (प्रशिक्षक), कोपिला उप्रेती (सहायक प्रशिक्षक)

प्रतियोगिताको खेल हेर्न हाम्रो खेलकुदको मोबाइल एप डाउनलोड गर्नुहोला ।

यो पनि नछुटाउनुहोस : साविक विजेता आर्मीको टोली घोषणा

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

Success

Thank you for your time.