2 years ago
July 7, 2023
काठमाडौं (हाम्रो खेलकुद) – नेपाल एपिएफ क्लबले युवा खेलाडीलाई प्राथमिकतामा राख्दै सातौं प्रधानमन्त्री कप एनभिए महिला तथा पुरुष राष्ट्रिय भलिबल क्लब लिगका लागि टोली घोषणा गरेको छ ।
महिलातर्फ उपाधिको खडेरी लागिरहेको अवस्थामा एपिएफले केही युवा खेलाडी समेट्दै टोली घोषणा गरेको हो । चोटका कारण मिडल ब्लकर हिरा केसी यसपटक टोलीमा छैनन् । त्यस्तै युवा आरती सुवेदी पनि एपिएफको नामावलीमा छैनन् ।
पुरुषतर्फ युवा सेटर सुवास कुँवर टोलीमा आएका छन् । यसबाहेक राष्ट्रिय टोलीमा रहेका टेकराज अवस्थी, हेमन्त मल्ल र लोकेन्द्र गिरि पनि टोलीमा छन् ।
प्रतियोगिता असार २३ देखि ३० गतेसम्म दशरथ रंगशालाको कभर्ड हलमा हुँदैछ । राउन्ड रोबिन लिगमा सबै टोलीले एक आपसमा खेलेपछि लिगको शीर्ष दुई टोलीले फाइनलमा उपाधिका लागि खेल्नेछन् । सम्पूर्ण खेलको प्रत्यक्ष प्रसारण हाम्रो खेलकुदको मोबाइल एपमार्फत हेर्न सकिनेछ ।
प्रतियोगितामा क्लब च्याम्पियनसिपबाट छनोट भएका पुरुषतर्फ ७ टोली र महिलातर्फ ६ टोलीले प्रतिस्पर्धा गर्दैछन् । पुरुषमा त्रिभुवन आर्मी क्लब, नेपाल एपिएफ क्लब, नेपाल पुलिस क्लब, गण्डकी प्रदेश, टिप टप हेल्प नेपाल स्पोर्ट्स क्लब, शैलुंग बाग ढुंगा स्पोर्ट्स क्लब र दावाली मिलन क्लब रहेका छन् ।
महिलातर्फ नेपाल पुलिस क्लब, त्रिभुवन आर्मी क्लब, नेपाल एपिएफ क्लब, न्यु डायमन्ड युथ स्पोर्ट्स क्लब, गण्डकी प्रदेश र एभरेष्ट भलिबल क्लबले प्रतिस्पर्धा गर्नेछन् ।
प्रतियोगितामा दुवैतर्फको विजेता टोलीले ६ लाख, दोस्रो हुनेले ३ लाख, तेस्रो हुनेले १ लाख ५० हजार र चौथो हुने टोलीले ७५ हजार रुपैयाँ प्राप्त गर्नेछन् । व्यक्तिगत विधातर्फ सर्वोत्कृष्ट खेलाडीले समान ३५ हजार तथा उत्कृष्ट सर्भर, सेटर, ब्लकर, स्पाईकर, लिवेरो र प्रशिक्षकले जनही १५ हजार रुपैयाँ प्राप्त गर्नेछन् ।
पुरुष टोली :
महेन्द्र श्रेष्ठ (कप्तान), लोकेन्द्र गिरि, विनोद चन्द, बलिराम चौधरी, टेकराज अवस्थी, रमेश विक, सुनिल घर्तीमगर, हेमन्त मल्ल, विजय थापा, रुपेन्द्र नेपाली, सन्तोष थापा, सुवास कुँवर
अफिसियल : महेश प्रसाद चौधरी (प्रशिक्षक), पुष्प मल्ल (सहायक प्रशिक्षक), विजय केसी (व्यवस्थापक)
महिला टोली :
विनिता बुढाथोकी (कप्तान), रेश्मा भण्डारी, सरस्वती चौदहरी, उषा विष्ट, नेविका चौधरी, मनिषा तामाङ, निरुता ठगुन्ना, कविता भट्ट, पुजा चौधरी, रस्मिता दुरा, गरिमा बोहोरा, जसना महतो
अफिसियल : महेश चौधरी (प्रशिक्षक), सुरेश चौधरी (सहायक प्रशिक्षक), विजय केसी (व्यवस्थापक)
June 21, 2025
काठमाडौं (हाम्रो खेलकुद) – टाइम्स बास्केटबल क्लबलेहिमालयन जाभा बास्केटबल लिग (एचजेबिएल) को उपाधि जितेको छ । लगनखेलस्थित नेपाली सेना शारीरिक तालिम तथा खेलकुद केन्द्रमा शनिबार भएको फाइनलमा गोल्डेन गेटलाई ८०-७२ ले हराएर टाइम्स च्याम्पियन बनेको हो । सुरुबाटै टाइम्सले खेलमा डोमिनेट गरेको थियो । पहिलो क्वाटरमा टाईम्सले २०-८ को अग्रता बनायो । दोस्रो क्वाटरमा गोल्डेन […]
June 21, 2025
काठमाडौं (हाम्रो खेलकुद )- सूर्य नेपाल गल्फ टुर २०२४-२५ को अन्तिम प्रतियोगिता सूर्य नेपाल प्रिमियर गल्फ च्याम्पियनसिप अन्तर्गत प्रो एमको उपाधि प्रोफेसनल गल्फररामे मगरको टिमले जितेको छ। गोकर्ण गल्फ कोर्समा आज प्रो रामे तथा टिमले कुल १ सय५९ अंक सहित पहिलो भएको हो। रामेले ४१ तथा एमेच्योरगल्फरहरू विष्णु बहादुर कार्की र नोर्बु छिरिङ शेर्पाले ४०अंक […]
June 21, 2025
काठमाडौं (हाम्रो खेलकुद)- युवा तथा खेलकुद मन्त्रालयको तत्वावधान तथा राष्ट्रिय खेलकुद परिषद् (राखेप) को आयोजनामा प्रशासन तथा लेखा सम्बन्धी तालिम बुढानीलकण्ठमा शनिवार सुरु भएको छ । राखेपका सदस्य–सचिव टंकलाल घिसिङले कार्यालयको दैनिक कामकाज सहज बनाउन ३ दिनमा फाइलको विषय टुंगो लगाउने, फाइल ट्रयाकिङ सिस्टम र पौडी पोखरीमा इ टिकटको सुरुआत गरेको बताउदै प्रशासनिक कामकाजमा सुधार […]
