default_image

8 months ago

July 13, 2023

‘समर्थक भगवान हुन्, हामीबाट भएको गल्तीको माफी माग्छौं’– दुर्गा

काठमाडौं (हाम्रो खेलकुद) – त्रिभुवन आर्मी क्लबका मिडिल ब्लकर दुर्गा खड्काले समर्थक भगवान् हुँदा आफूले गरेको गल्तीको माफी मागेका छन् । गण्डकी प्रदेशविरुद्ध विवादको गल्ती स्वीकार गर्दै दुर्गाले आफू र आर्मीको टोलीबाट माफी मागेका हुन् । बुधबार नेपाल एपिएफ क्लबललाई ३–२ को सेटमा पराजित गर्न प्लेयर अफ द म्याच चुनिएपछि बोल्नेक्रममा दुर्गाले खेलपछि उक्त प्रतिक्रिया […]

184 views

0 Bookmark

काठमाडौं (हाम्रो खेलकुद) – त्रिभुवन आर्मी क्लबका मिडिल ब्लकर दुर्गा खड्काले समर्थक भगवान् हुँदा आफूले गरेको गल्तीको माफी मागेका छन् । गण्डकी प्रदेशविरुद्ध विवादको गल्ती स्वीकार गर्दै दुर्गाले आफू र आर्मीको टोलीबाट माफी मागेका हुन् ।

बुधबार नेपाल एपिएफ क्लबललाई ३–२ को सेटमा पराजित गर्न प्लेयर अफ द म्याच चुनिएपछि बोल्नेक्रममा दुर्गाले खेलपछि उक्त प्रतिक्रिया दिएका हुन् । मंगलबार गण्डकी प्रदेशविरुद्ध खेलको क्रममा दर्शकले बोतल र अपशब्द बोलेपछि संयमित अपनाउन नसक्दा आर्मीका खेलाडी आक्रोशित बनेका थिए । स्पाइकर धनबहादुर भट्टले एक समर्थकलाई एक मुक्का प्रहार गरेका थिए ।

‘आज हामीले सोचे भन्दा फरक भयो । सुरुवात नै पहिला जतिको खेल्न सकिएन । हामी नर्भस भएको हो की विविध कारणले पनि हुनसक्छ । पहिलो सेटमा त्यस्तो भयो । दोस्रो सेटबाट हामी खुलेर खेल्यौं’, उनले भने ।

आमी पहिलो सेटमा एपिएफविरुद्ध मनोबल रुपमा पनि कमजोर देखिएको थियो । मानबहादुर श्रेष्ठ बाहेक अन्य खेलाडी खुलेर खेल्न सकेका थिएनन् ।

तर आर्मीले दोस्रो सेटमा सानदार पूनरागमन गर्दै २५-१६ को सहज जित निकालेको थियो । पहिलो सेट भने आर्मीले १८-२५ ले गुमाएको थियो । च्याम्पियन आर्मीबाट उक्त प्रदर्शनको अपेक्षा कमैले गरेका थिए । तर आफू किन च्याम्पियन बन्ने प्रमाणित गर्दै सानदार पूनरागमन गरेको थियो ।

दुर्गा गण्डकीविरुद्धको खेलबाट आत्मागलानी (पछुतो) लागेको बताए । ‘हामीलाई अस्तिको घटनाले आत्मागलानी भयो । हामीले त्यस्तो नगर्नु थियो । त्यसको लागि हामी माफी माग्छौं । दर्शकमानुभावहरु भगवान् हुन् । राष्ट्रिय टिममा परेका धेरै खेलाडी हुँदा पनि हामी त्यस्तो आवेशमा आउन नपर्नी हो । हामीबाट जे जस्तो गल्ती भयो त्यसलाई माफी माग्न चाहन्छौं, उनले भने ।

आर्मीले आफ्नो क्षमता अनुसारको खेल प्रदर्शन गर्न नसक्दा झण्डै एपिएफसँग स्तब्ध हुन परेको थियो । आर्मीले १८–२५, २५–१६, २४–२६, २८–२६ र १७–१५ ले जित्न सफल भएको हो । आर्मीले दोस्रो, चौथो र पाँचौं सेटमा जित निकालेको थियो । दुर्गा र मानबहादुरको प्रदर्शन उत्कृष्ट थियो ।

‘एपिएफ पनि विभागीय बलियो टोली हो । पहिला हामीलाई यहि कोर्टमा बेस्ट अफ फाइभमा एक पटक जितेको थियो । हामी कमजोर टिम त सोचेका थिएनौं । तर जित्छौं भन्ने आशा थियो’, दुर्गाले भने ।

आर्मीले अव आज नेपाल पुलिस क्लब र शुक्रबार हेल्प नेपालसँग खेल्नेछ । फाइनल खेल्न कम्तिमा एक खेल जित्नुपर्ने हुन्छ । एपिएफविरुद्ध जितले उत्साह थपेको बताए ।

‘यो जितले हामीलाई उत्साह थपेको छ । अंकमा पनि हामी माथि छौं । त्यो जितले उत्साह पूर्वक खेल्छौं र जित्छौं पनि’, उनले भने । उनले दर्शक भगवान् हुँदा पुन माफी माग्न चाहेको बताए । ‘अस्ति हामीबाट जे जस्तो गल्ती भयो त्यसको लागि म लगायत मेरो टिमबाट माफी माग्न चाहन्छु । दर्शक भगवान् हुनुन्छ’, दुर्गाले भने ।

आर्मी ४ खेलमा ११ अंकका साथ शीर्ष स्थानमा छ । हेल्प नेपाल पनि ४ खेलमा ११ अंकका साथ दोस्रो स्थानमा छ । नेपाल एपिएफ क्लब ४ खेलमा ३ मा जित र १ मा हारसहित १० अंकका साथ तेस्रो स्थानमा छ ।

नेपाल पुलिस ४ खेलमा ३ मा जित र १ मा हारसहित ९ अंकका साथ चौथो स्थानमा छ । आर्मीले आज दिउँसो तीन बजे नेपाल पुलिस क्लबसँग खेल्नेछ । शुक्रबार दिउँसो ५ बजे टिप टप हेल्प नेपालसँग खेल्नेछ । राष्ट्रिय खेलाडीले भरिभराउ आर्मी उपाधिको प्रमुख दाबेदार टोली हो ।

यो पनि : खेलाडीले संयमता गुमाएर दर्शकलाई हातपात गरेपछि..

March 2, 2024

कुशल प्लेइङ-११ मा फर्किए

काठमाडौं (हाम्रो खेलकुद) – ओपनर कुशल भुर्तेल त्रिकोणात्मक टि२०आई सिरिजअन्तर्गत नेदरल्यान्ड्सविरुद्ध पाँचौ खेलमा नेपालको प्लेइङ-११ मा फर्केका छन् । नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएका छन् । नेपालले पहिलो फिल्डीङ गर्नेछ । नेपालले आजको खेलमा १ परिवर्तन गरेको छ । अनिल शाहको स्थानमा कुशल भुर्तेल टोलीमा आएका छन् । आजको […]

March 2, 2024

नेपालले टस हार्यो

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२० सिरिजको पाँचौ खेलमा नेदरल्यान्ड्सविरुद्ध टस हारेको छ । नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएका छन् । नेपालले पहिलो फिल्डीङ गर्नेछ । नेपालले आजको खेलमा १ परिवर्तन गरेको छ । अनिल शाहको स्थानमा कुशल भुर्तेल टोलीमा आएका छन् । आजको […]

March 2, 2024

यु-१६ महिला साफ: नेपाल बंगलादेशविरुद्ध भिड्दै 

काठमाडौँ (हाम्रो खेलकुद) – हिजो देखि सातदोबाटो स्थित एन्फा कम्प्लेक्समा सुरु भएको साफ यु-१६ महिला च्याम्पियनसिपमा आज नेपाल पहिलो खेल खेल्दै छ । नेपालले आज बंगलादेश विरुद्ध दिनको ३ बजे खेल्ने छ । घरेलु मैदानमा भइरहेको यस प्रतियोगितामा नेपाललाई राम्रो प्रदर्शन गर्ने दवाब समेत रहेको छ । गत वर्ष यु-१५ महिला साफ जितेको नेपाललाई यसपटक […]

Success

Thank you for your time.