8 months ago
November 21, 2023
काठमाडौं (हाम्रो खेलकुद) – नेपाली राष्ट्रिय फुटबल टोलीले फिफा विश्वकप छनोट २०२६ को दोस्रो चरण अन्तर्गत मंगलबार यमनको सामना गर्दैछ ।
दशरथ रंगशालामा साँझ ७ बजे सुरु हुने खेलका लागि प्रशिक्षक भिन्सेन्जो अल्बर्टो अनेसेले टोलीमा पछिल्लो खेलबाट ३ परिवर्तन गरेका छन् । चोटका कारण पछिल्लो खेल गुमाएका अनन्त तामाङ र दिनेश हेन्जनसँगै एरिक विष्ट सुरुवाती रोजाइमा आएका छन् ।
पछिल्लो खेल सुरुवात गरेका छिरिङ गुरुङ र मनिष डाँगी बेन्चमा रहेका छन् । लाकेन लिम्बू भने चोटका कारण ३ साता मैदानबाहिर रहनेछन् ।
नेपालको लागि कप्तान किरण चेम्जोङ गोलरक्षक रहेका छन् । त्यस्तै रोहित चन्द, अनन्त तामाङ, सनिश श्रेष्ठ र आशिष चौधरी डिफेन्समा रहनेछन् । मिडफिल्डमा सेसेहाङ आङदेम्बे, उत्सव राई र एरिक विष्ट रहने आँकलन रहेको छ । आक्रमणमा जिलेस्पी जंग कार्कीलाई अन्जन विष्ट र दिनेश हेन्जनले साथ दिनेछन् ।
नेपालले पहिलो खेलमा यूएईसँग ४-० को हार बेहोरेको थियो । उक्त खेलमा ५ डिफेन्डर खेलाएको नेपालले अनन्तको पुनरागमनसँगै ४ डिफेन्सकै रणनीतिमा खेल्ने अनुमान रहेको छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]