default_image

5 months ago

January 28, 2024

इंग्ल्याण्डको भारत विरुद्ध सनसनीपूर्ण जित

899 views

0 Bookmark

एजेन्सी – पाहुना टोली इंग्ल्याण्डले पाँच टेस्ट म्याच शृंखलाको पहिलो टेस्टमा भारतमाथि सनसनीपूर्ण जित दर्ता गरेको छ । हैदराबादमा भएको पहिलो टेस्टमा इंग्ल्याण्डले भारत विरुद्ध २८ रनको जित दर्ता गरेको हो ।

दोस्रो इनिङमा २३० रनको लक्ष्य पछ्याएको भारत चौथो दिनको अन्त्यतिर २०२ रनमा समेटियो । भारतलाई समेट्न इंग्ल्याण्डका लागि डेब्यु गरिरहेका टम हार्टली एक्लैले ७ विकेट लिए । यस्तै जो रुट र ज्याक लिचले समान एक एक विकेट लिए । लक्ष्य ठूलो नभएपनि पिचले स्पिनरहरुको साथ दिएका कारण भारत घरेलु मैदानमा नै परास्त हुन पुग्यो ।

भारतका लागि दोस्रो इनिङमा रोहित शर्माले सर्वाधिक ३९ रन बनाए । यस्तै श्रिकार भरत र रवि चन्द्रन अश्विनले समान २८ रन बनाए । स्पिनका सामु भारतीय ब्याटर पनि निरीह रहे ।

१९० रनले पछि परेको अवस्थामा दोस्रो इनिङ सुरु गरेको इंग्ल्याण्डका लागि ४२० रन पुर्याउन सबैभन्दा ठूलो योगदान ओली पोपले गरे । अरु कुनै ब्याटरले अर्धशतक पनि बनाउन नसकेको इनिङमा उनी एक्लैले १९६ रन बनाउँदै दोहोरो शतक बनाउनबाट मात्र ४ रनले चुके । पहिलो इनिङमा १ रन मात्र बनाएका उनले दोस्रो इनिङमा भने सानदार शतक प्रहार गरे ।

पहिलो इनिङमा इंग्ल्याण्ड २४६ रनमा अलआउट भएको थियो । भारतले भने ४३६ रन बनाउँदै १९० रनको अग्रता लिएको थियो । गत इंग्ल्याण्डको दोस्रो इनिङमा पनि बलियो अवस्थामा रहेको भारतले खेल भने गुमाउन पुग्यो ।

पाँच टेस्टको शृंखला अन्तर्गत दोस्रो टेस्ट भिसाखापट्नममा फेब्रुअरी २ देखि सुरु हुने छ ।

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.