default_image

5 months ago

January 30, 2024

अन्तिम खेलमा कोशीको पहिलो जित 

1575 views

0 Bookmark

काठमाडौँ (हाम्रो खेलकुद) – लगातार आठ खेलमा हार बेहोरेको कोशी प्रदेशले प्रधानमन्त्री कप क्रिकेट २०८० अन्तर्गत आफ्नो अन्तिम खेलमा जित हासिल गरेको छ । आफ्नो पहिलो खेल दर्ता गर्ने क्रममा कोशीले लुम्बिनी प्रदेश माथि १६ रनको जित हात पारेको हो ।

१७३ रनको मध्यम लक्ष्य पछ्याएको लुम्बिनी प्रदेश ४६.५ ओभरमा १५६ रनमा समेटियो । लुम्बिनीका लागि दिलसाद अलीले ६४ बलमा सर्वाधिक ३२ रन बनाए । बिराट भण्डारीले ६० बल खेलेर २८ रनको योगदान गरे । ओपनर सम्राट भुसालले २७ बलमा ५ चौका सहित २६ रन बनाए  ।  

कोशीको जितमा सौजन घिमिरेले सर्वाधिक ३ विकेट लिए । उनले १० ओभर बलिङ गर्दै ३१ रन दिए । यस्तै अभ्याश तिमिल्सिना, कमल खत्री र समिर कार्कीले समान २-२ विकेट लिए ।

त्यसअघि टियु क्रिकेट मैदानमा टस हारेर पहिले ब्याटिङ गरेको कोशी ४४.४ ओभरमा १७२ रनमा समेटियो ।

कोशीलाई सस्तैमा समेट्न नर शार्कीले १० ओभरमा २ मेडन सहित ३८ रन दिंदै ४ विकेट लिए । वीर मगरले तीन विकेट लिए भने अभिषेक गौतमले दुई विकेट लिए । यस्तै कृष्ण कार्कीले एक विकेट लिए ।    

कोशीका लागि ओपनर अंकित सुबेदीले सर्वाधिक ४९ रन बनाए । ६५ बलमा ९ चौका प्रहार गरेका उनी अर्धशतक बाट १ रनले चुके ।  सौजन घिमिरेले ६९ बलमा २ चौका र २ छक्का सहित ४३ रनको इनिङ खेले । 

कोशीले अर्का ओपनर समिर कार्कीलाई पहिलो ओभरमा नै शुन्यमा गुमाएको थियो । तेस्रो नम्बरमा आएका मिनाश थापाले राम्रो सुरुवात गरेका थिए । तर ३४ बलमा २५ रन बनाएर उनि ११औ ओभरमा नर शार्कीको बलमा आउट भए ।

सुजन थपलिया पनि कुनै रन नबनाई निर्मल गुरुङको बलमा क्याच आउट हुँदै पेभेलियन फर्किए । आइश भट्टराईले १९ बल खेलेर १० रनमा नरकै शिकार बने । त्यसपछि आउट हुने अंकित थिए । 

सोनु अन्सारीलाई पनि नरले नै १७ रनमा रहेको अवस्थामा आउट गरे । फिर्दोश अन्सारीले मात्र ४ रन बनाउन सके । भुपाल लुइँटेल २० बलमा ५ रन बनाएर वीर मगरको बलमा आउट भए । कमल खत्री शुन्यमा वीरकै शिकार बने ।   

कोशीले ९ खेलमा २ अंक सहित प्रतियोगितामा आफ्नो यात्रा समाप्त गरेको हो । एक खेल खेल्न बाँकी रहेको लुम्बिनीको पनि २ अंक नै रहेको छ ।   

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.