6 months ago
February 8, 2024
हेटौंडा (हाम्रो खेलकुद)- नेपाल एपिएफ फुटबल क्लब हेटौंडामा जारी छैटौं स्थानीय तह सहिद स्मृति गोल्डकप मकवानपुर फुटबल प्रतियोगिताको फाइनलमा प्रवेश गरेको छ ।
फाइनल पुगेसँगै एपिएफले कम्तीमा १० लाख रुपैयाँ पक्का गरेको छ। गौरिटारमा बिहीबार भएको सेमिफाइनलमा बागमती युथ क्लबलाई ४-० ले हराउँदै एपिएफ फाइनलमा पुगेको हो ।
शनिबार हुने फाइनलमा एपिएफले सहिद स्मारक ए डिभिजन टोली एनआरटीको सामना गर्नेछ। धनकुटाको राजारानी क्लबलाई सडन डेथमा हराउँदै एनआरटी बुधबार फाइनल पुगेको थियो।
एपिएफलाई जित दिलाउन अनिश महर्जन, प्रदीप लामा, सर्ज सङ र फोडे फोफानाले समान १ गोल गरेका थिए। अनिशले ४४औं मिनेटमा गोल गर्दै टोलीलाई अघि बढाएका थिए। विपक्षी किपरले पन्च गरेको रिबाउन्ड बलमा पेनाल्टी बक्स भित्रबाट अनिशले हेड मार्फत गोल गरेका थिए।
दोस्रो हाफ सुरुवातबाटै एपिएफलाई दबाब दिदै गोलको प्रयास सफल भएन। एपिएफ ६१ औं मिनेटमा अर्को गोल थप्दै थप मजबुत बनेको थियो। क्रसमा आएको बललाई पेनाल्टी बक्समा रहेका प्रदीपले पोष्ट दिशा दिएका थिए।
सङले खेल सकिन ५ मिनेट बाँकी रहँदा गोल गरेका थिए। क्रसमा आएको बलमा पेनाल्टी बक्स भित्रबाटै सँगले गोल गरेका थिए। इन्ज्युरी समयको पहिलो मिनेटमा फोफानाले गोल गर्दै जितलाई सहज बनाएका थिए।
मकवानपुर जिल्ला फुटबल संघको आयोजित प्रतियोगिताको विजेताले १५ लाख र दोस्रो हुने टोलीले १० लाख रुपैयाँ प्राप्त गर्नेछ । सर्वोत्कृष्ट खेलाडीले बुलेट मोटरसाइकल र विधागत उत्कृष्टले जनही २५ हजार रुपैयाँ प्राप्त गर्नेछन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]