काठमाडौं (हाम्रो खेलकुद) – अन्तर्राष्ट्रिय खेलकुद ब्रान्ड केल्मीको नेपालका लागि एकमात्र अधिकारिक विक्रेता कामारु ट्रेडिङ प्रालिले केल्मीको अधिकारिक जर्सी नक्कल नगर्न सूचना जारी गरेको छ ।

अखिल नेपाल फुटबल संघ (एन्फा), नेपाल क्रिकेट संघ (क्यान), नेपाल भलिबल संघ (एनभिए) लगायत विभिन्न खेलकुद संघसँग केल्मीले प्रायोजन सम्झौता गर्दै किट निर्माण गर्दै आएको छ । अर्को महिना सुरु हुने टि२० विश्वकपका लागि पनि केल्मीले राष्ट्रिय क्रिकेट टोलीको जर्सी निर्माण गरेको छ ।

यस विषयमा केल्मीले पछिल्लो समय अधिकारिक केल्मी स्टोरबाहेक नक्कली समान उताप्दन गरि विक्री वितरण गरेको जानकारी आएकाले यस्तो कार्यमा संग्लन जुनसुकै संघ, संस्था वा व्यक्तिलाई कानुन बमोजिम कारवाही गर्ने जनाएको छ । यसअघि पनि आफ्नो केल्मीको लोगो अनाधिकृत प्रयोग गरेर नक्कली जर्सी बेच्ने वितरकलाई प्रहरीले पक्राउ गरेको थियो ।

केल्मीले पछिल्लो समय विश्वकप जर्सीका लागि नेपालभर डेलिभरीको सेवा उपलब्ध गराउँदै प्रि-अर्डर सुरु गरिसकेको छ । यसबाहेक केल्मीले नेपालभर रहेका शो-रुममार्फत पनि जर्सी लगायत अन्य सामग्री विक्री गर्दै आएको छ ।

केल्मीले विश्वकपको जर्सी प्रि-अर्डर गर्न आफ्नो अनलाइनमार्फत सुविधा दिएको छ । अर्डर गर्न यहाँ थिच्नुहोस ।