काठमाडौं(हाम्रो खेलकुद) – विभागीय टोली नेपाल पुलिस क्लब टाइगर कप भलिबलको पुरुष तर्फको फाइनलमा पुगेको छ ।

पोखरा रंगशाला स्थित भलिबल कोर्टमा शुक्रवार भएको खेलमा अर्को विभागीय टोली त्रिभुवन आर्मीलाई पराजित गर्दै पुलिस फाइनलमा पुगेको हो । पुलिसले आर्मीलाई ३-२ को सेटमा पराजित गर्यो ।

पहिलो सेट २५-१४ ले जितेको पुलिसले दोस्रो सेट २२-२५ ले गुमाएको थियो । तेस्रो सेट २५-२२ ले जितेको पुलिसले चौथो सेट २३-२५ ले गुमाएसँगै खेल पाँचौ सेटमा पुगेको थियो । पाँचौ सेट पुलिसले १५-१२ ले जित्दै फाइनलमा स्थान पक्का गर्यो ।

पराजित आर्मीले फाइनल प्रवेशको अर्को मौका पाउने छ । आर्मीले आजै हुने गण्डकी प्रदेश र भारतीय क्लबबीचको विजेतासँग दोस्रो क्वालिफायर खेल्नेछ । पुलिसले भने फाइनलमा दोस्रो क्वालिफायरको विजेतासँग खेल्नेछ ।

आजै भएको पहिलो खेलमा आयोजक टाइगर ग्रुपलाई पराजित गर्दै एपिएफ महिलातर्फ फाइलनमा प्रवेश गरेको थियो । पराजित भएको आयोजक टाइगर ग्रुपले शनिबार फाइलन प्रवेशका लागि टिपटक न्यू डायमण्ड स्पोर्टस क्लबसँग प्रतिस्पर्धा गर्नेछ ।

आजको तेस्रो तथा अन्तिम खेल पुरुषतर्फको एलिमिनेटर हुनेछ । एलिमिनेटरमा गण्डकी प्रदेश र भारतको सुनिल भलिबल क्लब प्रतिष्पर्धा गर्नेछन् । त्यो खेलको विजेता टोलीले फाइनल प्रवेशका लागि आर्मीसँग दोस्रो क्वालिफायर खेल्नेछ ।