एजेन्सी – किलियन एमबाप्पेले २ गोल गरेको आइतवार खेलमा रियल म्याड्रिडले सेल्टा भिगोलाई ३-२ ले हराएको छ।

यो जितपछि ला लिगा शीर्ष टोली बार्सिलोनाले दूरी ४ अंकमा झारेको छ। रियलको ७५ अंक पुगेको छ। अब आइतवार ‘एल क्लासिको’ खेल हुनेछ।

कार्लो एन्सेलोटीको टोलीले ३३औं मिनेटमा अग्रता लिएको थियो । जब सर्ट कर्नरपछि बल अरडा गुलरलाई दिइयो र उनको कर्लिङ प्रहार डिफ्लेक्सन हुँदै पोस्टको कुनामा छिर्‍यो।

त्यसको ६ मिनेटपछि, म्याड्रिडको काउन्टर अट्याकको अन्त्यमा एमबाप्पेले गोलरक्षक भिसेन्टे गुआइतालाई छलाउँदै जोरदार फिनिसमार्फत अग्रता दोब्बर बनाए।

फ्रान्सेली स्ट्राइकर एमबाप्पेले दोस्रो हाफ सुरु भएको तीन मिनेटमै गुलरको उत्कृष्ट थ्रु बलमा दौडिएर बाँया खुट्टाबाट पोष्टको कुनामा गोल गर्दै आफ्नो दोहोरो गोल पूरा गरे।

तर पाहुना टोली सेल्टा भिगोले हार मानेन। खेल सकिन २० मिनेट बाँकी रहँदा जाभी रोड्रिग्वेजले कर्नर क्लियर गर्न नसकेको अवस्थामा नजिकैबाट गोल फर्काए।
७६औं मिनेटमा विलियट स्वेडबर्गले गोल गर्दै खेल ३-२ मा पुर्‍याए।

दुई मिनेटपछि पाब्लो डुरानले एस्पासको अर्को सानदार कौशलपछि क्लियर मौका पाए, तर उनको प्रहार थिबाउ कोर्ट्वाको शरीर मुनि छिरेर गोल हुन लागेको अवस्थामा उनले नियन्त्रणमा लिएका थिए।

खेलको अन्त्यतिर दुवै टिमले अवसरहरू सिर्जना गरे, तर रियलले आफ्नो अग्रता जोगाउँदै महत्वपूर्ण ३ अंक बटुल्यो।

यो जितसँगै साविक विजेता रियलले अब बार्सिलोनाविरुद्ध आइतबार हुने ‘एल क्लासिको’मा पाँचौं लगातार जितको खोजीमा हुनेछ । त्यो खेल रियलले जितेमा बार्सासँग केवल एक अंकले फरक हुनेछ। सेल्टा भिगो सातौं स्थानमै यथावत् छ ।

अन्य खेलमा रियल बिट्सले इस्पानियोललाई २-१ ले हरायो । सेभिल्ला र लेगानेसले २-२ तथा रियल सोसिडाड र एथ्लेटिक क्लबले गोलरहित बराबर खेलेका छन्।