8 years ago
March 28, 2017
काठमाडौं (हाम्रो खेलकुद) – माल्दिभ्समा जारी एभिसी सेन्ट्रल जोन सिनियर मेन्स भलिबल च्याम्पियनसिपमा नेपाल कांस्य पदकमा सिमित भएको छ । मंगलबार कीर्गिस्तानसँगको प्ले अफमा ३–० ले पराजित भएपछि नेपाल तेस्रो स्थानमा सिमित भएको हो ।
आयोजक माल्दिभ्स सबै खेलमा पराजित भएपछि नेपालको यसअघि नै कास्य पदक भने पक्का भइसकेको थियो । चार टोलीको सहभागिता रहेको च्याम्प्यिनसिपमा नेपालले माल्दिभ्सबाहेक कुनै टोलीलाई जित्न सकेन ।
मालेस्थित कभर्डहलमा मंगलबार भएको प्ले अफको खेलमा नेपाल किर्गिस्तानसँग ३–० को सोझो सेटमा पराजित भएको हो । यसअघि नेपाल समूह चरणको अन्तिम खेलमा सोमबार ३–१ को सेटमा पराजित भएको थियो । मंगलबार भएको खेलमा नेपाल किर्गिस्तानसँग १६–२५, २३–२५ र २०–२५ को सेटमा पराजित भएको हो ।
पराजित भएपनि नेपालले पहिलो अन्तर्राष्ट्रिय पदक हात पारेको छ । ४१ बर्षअघि अन्तर्राष्ट्रिय भलिबल यात्रा थालेको नेपालको पुरुष टोलीले पदक जितेको यो पहिलो पटक हो । नेपाली महिला टोलीले भने दक्षिण एसियाली खेलकुदमा तीन पटका कास्य पदक जितेको थियो । कीर्गिस्तान र ताजिकिस्तानले सेन्ट्रल जोन उपाधिका लागि भिड्नेछन् ।
December 14, 2024
काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा जनकपुर बोल्ट्सविरुद्ध चितवन राइनोजले टस जितेको छ । टियु क्रिकेट मैदानमा चितवनका कप्तान कुशल मल्लले टस जितेर ब्याटिङ रोजेको छ । शुक्रवार विराटनगरसँग पराजित टोलीमा चितवनले कुनै परिवर्तन गरेको छैन । चितवन राइनोजको प्लेईङ-११ कुशल मल्ल, रञ्जित कुमार, रवि बोपारा, हसन इसाखिल, बासिल हमिद, रिजन ढकाल, […]
December 14, 2024
काठमाडौं(हाम्रो खेलकुद) – ओपनर स्टेफन स्किनाजीको अर्धशतकमा पोखरा एभेन्जर्सविरुद्ध शनिवार सहज निकाल्दै काठमाडौं गुर्खाज नेपाल प्रिमियर लिग(एनपिएल) को प्लेअफ प्रवेशको सम्भावना बलियो बनाएको छ । पहिलो खेलमा काठमाडौंले पोखरामाथि ६ विकेटको सहज जित हात पार्यो । १ सय ३९ रनको मध्यम लक्ष्य काठमाडौंले १४.१ ओभरमा ४ विकेट गुमाउँदै पूरा गर्यो । काठमार्डौका ओपनर स्किनाजीले सर्वाधिक […]
December 14, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) को शनिवारको पहिलो खेलमा पोखरा एभेन्जर्सविरुद्ध काठमाडौं गुर्खाजले मध्यम लक्ष्य पाएको छ । टियु क्रिकेट मैदानमा जारी खेलमा काठमाडौंले पोखराबाट १ सय ३९ रनको मध्यम लक्ष्य पाएको हो । टस हारेर ब्याटिङको निम्तो पाएको पोखराले निर्धारित २० ओभरमा ८ विकेट गुमाएर १ सय ३८ रनको मध्यम योगफल तयार गरेको […]
