8 years ago
March 28, 2016
काठमाडौं, चैत १५ नेपाल भारोत्तोलन संघले भारतमा भएको १२औं दक्षिण एसियाली खेलकुद (साग) मा पदक जित्न सफल आफ्ना खेलाडीलाई सोमबार नगदसहित सम्मान गरेको छ । भारोत्तोलनमा नेपालले १ रजत र ३ कांस्यसहित ४ पदक जितेको थियो । पुरुषको ६२ केजीमा विकास थापाले रजत जितेका थिए । महिलाको ५३ केजीमा देवीकुमारी चौधरी, ७५ केजीमाथि तारादेवी पुन […]
काठमाडौं, चैत १५
नेपाल भारोत्तोलन संघले भारतमा भएको १२औं दक्षिण एसियाली खेलकुद (साग) मा पदक जित्न सफल आफ्ना खेलाडीलाई सोमबार नगदसहित सम्मान गरेको छ ।
भारोत्तोलनमा नेपालले १ रजत र ३ कांस्यसहित ४ पदक जितेको थियो । पुरुषको ६२ केजीमा विकास थापाले रजत जितेका थिए । महिलाको ५३ केजीमा देवीकुमारी चौधरी, ७५ केजीमाथि तारादेवी पुन तथा ६३ केजीमा जुनुमाया छन्त्यालले कांस्य हात पारेका थिए । देवीले जितेको पदक १२औं सागमा नेपालले जितेको पहिलो पदक हो ।रजत विजेतालाई १० हजार तथा कांस्य विजेतालाई समान ८ हजार नगदसहित प्रशंसा पत्र प्रदान गरियो । यस्तै १२औं सागमा राष्ट्रिय कीर्तिमान कायम गरेका विकास थापा र दिनेश श्रेष्ठलाई संघले थप दुई हजारसहित सम्मानित गरे । पदक विजेता सबैलाई भारोत्तोलन संघका सदस्य एवं पूर्व भारोत्तोलन खेलाडी रुकेश तण्डुकारले प्रोत्साहन स्वरुप ट्रयाकसुट प्रदान गरेका थिए ।
सोही अवसरमा भारोत्तोलन संघले गत बैशाखको भूकम्पका कारण घाइते भएका, आफन्त गुमाएका, घर पूर्ण रुपमा क्षति भएका तथा घर आंशिक क्षति भएका भारोत्तोलन खेलाडीलाई आर्थिक सहयोग प्रदान ग¥यो ।
पीडितलाई तीन समूहमा वर्गीकरण गरी क्रमशः ३० हजार, २० हजार र १५ हजार आर्थिक सहयोग प्रदान गरिएको थियो । जापान भारोत्तोलन संघले आफ्नो सक्रियतामा संकलन गरी भारोत्तोलन संघलाई उपलब्ध गराएको ३ हजार अमेरिकी डलरबाट खेलाडीलाई आर्थिक सहयोग प्रदान गरिएको हो ।
आर्थिक सहयोग पाउनेमा पीडित खेलाडीहरुमा लक्ष्मण रन्जित, मुई लामा, रामकुमार श्रेष्ठ, गोपालबहादुर श्रेष्ठ, ज्ञानबहादुर श्रेष्ठ, सुरेन्द्र श्रेष्ठ, राजु राना (पाल्पा), राजु राना (धादिङ), अनिल मल्ल, लिक्की थापा, रमेश पाठक, जीवन तामाङ तथा बुद्धि लामा रहेका छन् । यस्तै नेपाल भारात्तोलन संघले नेपालगञ्जमा सुविधा भारात्तोलन एकेडेमी बनाउने घोषणा गरेको छ । त्यसै कार्यक्रममा एसियाली भारोत्तोलन महासंघका महासचिव मोहम्मद हसन जलौडले भारोत्तोलन संघलाई सामाग्री हस्तान्तरण गर्ने कार्यक्रम थियो । अन्तर्राष्ट्रिय भारोत्तोलन महासंघका सदस्य समेत रहेका हसन हवाइ यात्राका दौरान उत्पन्न विविध समस्याले गर्दा कार्यक्रममा उपस्थिति हुन नपाएपछि उक्त कार्यक्रम तत्काललाई स्थगित गरिएको छ । हसन ब्राजिल, चीनहुँदै नेपाल आउने कार्यक्रम थियो । हसन पछि नेपाल आएको बेला सामाग्री हस्तान्तरण हुने भारोत्तोलन संघले जनाएको छ ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]