काठमाडौं, चैत १५
नेपाल भारात्तोलन संघको तत्वाधनमा नेपालगञ्जमा सुविधासम्पन्न भारात्तोलन एकेडेमी बन्ने भएको छ । अध्यक्ष रतन कुमार टण्डनले नेपालगन्ज रंगशालामा राष्ट्रिय खेलकुद परिषद् (राखेप) को जग्गामा बन्न लागेको एकेडेमी भुइसहित चार तलाको हुने बताए । भूइ तलामा तालिम तथा फिट्नेस हल हुनेछ ।
यो तलामा १२ प्लेटफर्म बनाइ प्रतियोगिता सञ्चालन गर्न पनि मिल्ने बताइएको छ । पहिलो तलामा १० कोठासहितको महिला होस्टेल र डाइनिङ हल रहने छ । दोश्रो तलामा १२ कोठासहितको पुरुष होस्टेल तथा डाइनिङ हल बन्ने छ । चौथो तलामा ५० जना पढ्न मिल्ने हल र पुस्तकालय निर्माण गरिने योजना रहेको भारोत्तोलन संघले जनाएको छ ।
करिव ८ करोडको लागत लाग्ने अनुमान गरिएको भारोत्तोलन संघका अध्यक्ष रतनकुमार तण्डनले जानकारी गराए ।
