काठमाडौं (हाम्रो खेलकुद ) – राजधानीमा जारी १४औं रेडबुल ढोरपाटन सुजुकी महिला डबल लिग भलिबल प्रतियोगिताको दोस्रो राउन्डको विभागीय डर्वी भिडन्तमा त्रिभुवन आर्मी क्लबले नेपाल पुलिस क्लमाथि रोमाञ्चक जित निकालेको छ ।
नयाँ बसपार्कस्थित ढोरपाटन क्लबको खेल मैदानमा शुक्रबार भएको पहिलो खेलमा आर्मीले पुलिसमाथि ३–२ को प्रतिस्पार्धात्मक र रोमाञ्चक जित निकालेको हो । प्रतिस्पर्धात्मक बनेको पहिलो सेट पुलिसले २५–२२ ले जितेको थियो । त्यसपछि आर्मीले दोस्रो सेट २५–२१ ले जित्दै खेललाई १–१ को बराबरीमा ल्याए । तेस्रो सेट २५–१८ ले सहजै जितेपछि पुलिसले खेलमा २–१ को सेटमा अघि रह्यो । तर, त्यसपछिको दुवै सेट आर्मीले २५–१५ र १५–१२ ले जित्दै ३–२ को रोमाञ्चक जित हात पा¥यो । यससँगै आर्मीले पहिलो राउन्डमा बेहोरेको हारको बदला लिएको छ ।
शुक्रबारै भएको अर्काे खेलमा आर्मीले श्रीगाँउ दाङमाथि २५–१२, २५–१९ र २५–११ को जित निकाल्यो । दोहोरो जित हात पारेको आर्मी १२ खेलबाट २९ अंक जोड्दै तेस्रो स्थान थप मजवुत बनाएको छ ।
यस्तै एपीएफले पश्चिमाञ्चल क्षेत्रीय खेलकुद बिकास समितिलाई २५–१५, २५–१८ र २५–११ को सोझो सेटमा पराजित गर्दै विजयी यात्रा जारी राख्यो । यससँगै एपीएफ लिगको उपाधि नजिक पुगेको छ । एपीएफको १२ खेलबाट ३६ अंक पुगेको छ । यस्तै सेवले श्रीगाँउ दाङलाई २५–१८, २५–१५ र २५–११ ले सहजै हरायो ।
लिग अन्तरगत शनिबार तीन खेल हुने आयोजकले जनाएको छ । पहिलो खेलमा पुलिस र दाङ, दोस्रो खेलमा एपीएफ र आर्मी तथा तेस्रो खेलमा पश्चिमाञ्चल र सेवबीच खेल हुनेछ ।
अंक तालिका
१. एपीएफ (३६) १२ खेल
२. पुलिस (३१) १२ खेल
३. आर्मी (२९) १२ खेल
४. पश्चिमाञ्चल (१९) १२ खेल
५. सेव (१४) १३ खेल
६.चितवन टाइगर्स (१३) १४ खेल
७..श्रीगाँउ (११) १३ खेल
