नेपालगन्ज (हाम्रो खेलकुद) – नवौं संस्करणको बृहत राष्ट्रिय खेलकुद प्रतियोगिता गण्डकी प्रदेशमा हुने भएको छ ।

राष्ट्रिय खेलकुद परिषदको बैठकले नवौं राष्ट्रिय खेलकुद प्रतियोगिताको आयोजना अधिकार गण्डकी प्रदेशलाई दिने निर्णय भएको राष्ट्रिय खेलकुद परिषदका सदस्यसचिव केशव कुमार विष्टले हाम्रो खेलकुदलाई जानकारी गराए ।

सदस्यसचिव विष्टका अनुसार नवौं आयोजनाका लागि कुनैपनि प्रदेशले दावी नगरेको र सातौको बेला नै नवौ गण्डकी प्रदेश (पश्चिमाञ्चल) मा गर्ने सैद्धान्तिक सहमति अनुसार अघि बढेको बताए ।

गरेको हो । नेपालगञ्जमा आज सम्पन्न हुने आठौं राष्ट्रिय खेलकुदको समापनको कार्यक्रम पछि नवौंको झन्डा गण्डकी प्रदेशलाई प्रदान गरिने छ । आयोजना अधिकारसहित झन्डा गन्डकी प्रदेश खेलकुद बिकास समितिका अध्यक्ष सम्पन्न श्रेष्ठले ग्रहण गर्नेछन् ।

वर्तमान युवा तथा खेलकुद मन्त्री जगत बहादुर सुनार गण्डकी प्रदेशकै जनप्रतिनिधि हुने । मन्त्री विश्वकर्मा, सदस्यसचिव केशव कुमार विष्ट र खेलकुद मन्त्रालयको समन्वयमा गण्डकी प्रदेशलाई नै नवौंको आयोजना अधिकार दिइएको हो ।

प्रदेश १ (साविकको पुर्वाञ्चल) मा सातौ समापनकै अवसरमा नै आठौं प्रदेश ४ (मध्यपश्चिम) र नवौं (पश्चिमाञ्चल) मा गर्ने सैद्धान्तिक सहमति भएको थियो ।

पोखरामा दोश्रो राष्ट्रिय खेलकुद २०४० मा आयोजना गरेको थियो ।