अपाङ्गता भएका व्यक्तिहरुका लागि नेपाल बोसिया संघद्वारा आयोजित उपत्यकाव्यापी चेतनामूलक बोसिया खेलकुद प्रतियोगताको व्यक्तिगत स्पर्धामा एसइआरसी, बालुवाटरका अमिर बोम्जन बुधबार पहिलो भएका छन् । शान्ति सेवा गृह, गौशालाका बुद्ध राई दोश्रो भए ।
लैनचौरस्थित राष्ट्रिय टेबलटेनिस प्रशिक्षण केन्द्रमा भएको प्रतियोगिताको टिममा मस्कुलर डिस्ट्रपी फाउन्डेसन, ललितपुरका यजु महर्जन, अंकित श्रेष्ठ र आर्यन श्रेष्ठ सम्मिलित टोली पहिलो भए । स्वर्ग बाल गृह, भक्तपुरका सविन जती, जितमान तामाङ र आशिष कार्कीको टोली दोश्रो भए ।
विजेतालाई उप्रधान एवं महिला, बालवालिका तथा समाज कल्याण मन्त्री सीपी मैनाली, नेपाल पारा ओलम्पिक कमिटीका अध्यक्ष दीपक कोइराला, आयोजक बोसिया संघकी अध्यक्ष गोमा पौडेललगायलते पुरस्कृत गरे । प्रतियोगिताअघि संघकै आयोजनामा बैशाख २७ देखि जेठ ९ गतेसम्म बोसियाको प्रशिक्षण कार्यक्रम भएको थियो ।
