काठमाडौं (हाम्रो खेलकुद) –१३औं दक्षिण एसियाली खेलकुद ९साग० प्रतियोगिताको साइक्लिङमा नेपालका बुद्धिबहादुर तामाङले स्वर्ण पदक जितेका छन् । रजत र कास्य पदक पनि नेपाली खेलाडीनै जितेका छन् ।

जारी सागमा नेपालका लागि त्यो ३२ औं स्वर्ण पदक हो । नेपालले अहिले सम्मको सर्वाधिक स्वर्ण पदकको कीर्तिमान तोडिएको छ । सन् १९९९ को सागमा नेपालले ३१ स्वर्ण पदक जितेको थियो ।

बिहीबार गोकर्णमा भएको साइक्लिङमा बुद्धिबहादुरले क्रस कन्ट्रीको ४ किलोमिटरमा स्वर्ण जितेका हुन्। यहि स्पर्धामा नेपालक कै राजिव राईले रजत पदक जिते। बुद्धिबहादुरले १ मिनेट १९. ०८ सेकेण्डमा निर्धारित दूरी पूरा गरे।

त्यस्तै, राजिवले १ मिनेट १९.४० सेकेण्डमा पूरा गरे। कास्य पदक पनि नेपालकै ओकेशराज बज्रचार्यले जिते । योसँगै साइक्लिङमा नेपालले ४ स्वर्ण जितेको छ । यसअघि राजेश मगर, निश्मा श्रेष्ठ र लक्ष्मी मगरले स्वर्ण जितेका थिए।

१३ औं सागमा नेपालका लागि स्वर्ण पदक विजेताहरु :

१.कराते (एकल काता) – मण्डेकाजी श्रेष्ठ

२.कराते (टिम काता, पुरुष ) – मण्डेकाजी श्रेष्ठ, महसुस तामाङ, प्रविण मानन्धर

३.कराते (टिम काता ,महिला)– निर्मला तामाङ, संगिता मगर, सरु कार्की

४.कराते (५५ केजी) – लक्ष्मण तामाङ

५.कराते(८४ केजीमाथि)–विप्लवलाल श्रेष्ठ

६.कराते (४५ केजी मुनी)– कुसुम खड्का

७.कराते (५० केजी मूनि) अनु अधिकारी

८.कराते (६७ केजी) नवीन रसाइली

९.कराते (६८ केजी)– सुनिता महर्जन

१०. कराते (६८ केजी)– अनुपमा मगर

११.तेक्वान्दो पुम्से (२३–२९ वर्ष ) – कमल श्रेष्ठ

१२.तेक्वान्दो पुम्से ( १७ –२३ वर्ष )– सिना मादेन लिम्बु

१३.तेक्वान्दो पुम्से (२३ –२९ वर्ष ) – पार्वती गुरुङ

१४.तेक्वान्दो पुम्से (२९ वर्ष माथि ) – आयशा शाक्य

१५.तेक्वान्दो पुम्से (२९ वर्ष माथि )- आयशा शाक्य र सञ्जिकुमार पाण्डे

१६.पुम्से महिला टिम (१७–२३ वर्ष) – निशा दर्नाल, स्वस्तिका तामाङ र सन्जिला तिमल्सिना

१७.पुम्से महिला टिम (२३–२९ वर्ष) – निता गुरुङ, प्रशंसा क्षेत्री र शुसिला राई

१८. तेक्वान्दो (४६ केजी मुनि)– काजल श्रेष्ठ

१९. तेक्वान्दो (६८ केजी मुनि) – वीरबहादुर महरा

२०.ट्रायथलन – सोनी गुरुङ

२१.डुवाथोलन – हिमाल टमाटा

२२. उसु (थाउलो) – विजय सिन्जाली

२३. उसु (थाउलो) – सुस्मिता तामाङ

२४. उसु (थाउलो)– दीपक हमाल

२५.एथलेटिक्स (१० हजार मिटर)– सन्तोषी श्रेष्ठ

२६. साइक्लिङ (डाउनहिल) – राजेश मगर

२७. साइक्लिङ (डाउनहिल) – निश्मा श्रेष्ठ

२८. तेक्वान्दो (६२ केजी मुनि) – संगीता बस्याल

२९. तेक्वान्दो (८७ केजी ) – सक्षम कार्की

३०. उसु (थाउलो-नान्दौ) – निमा घर्तीमगर

३१. साइक्लिङ (क्रस कन्ट्री) – लक्ष्मी श्रेष्ठ

३२. साइक्लिङ (क्रस कन्ट्री)-बुद्धिबहादुर तामाङ