4 years ago
February 3, 2020
काठमाडौं (हाम्रो खेलकुद) – साविक विजेता तथा उपाधि दावेदार विभागीय नेपाल एपिएफ क्लब १५औं सानमिगेल ढोरपाटन महिला डबल लिग भलिबल प्रतियोगिताको शीर्षस्थानमा उक्लिएको छ । नयाँ बसपार्कस्थित ढोरपाटन स्पोर्ट्स क्लबको खेल मैदानमा सोमबार भएको खेलमा एपिएफले बुलबुले रारा भलिबल क्लब (बीआरसी) माथि ३–० को सोझो सेटमा जित हात पार्दै लिगको शीर्षस्थानमा उक्लन सफल भएको छ […]
काठमाडौं (हाम्रो खेलकुद) – साविक विजेता तथा उपाधि दावेदार विभागीय नेपाल एपिएफ क्लब १५औं सानमिगेल ढोरपाटन महिला डबल लिग भलिबल प्रतियोगिताको शीर्षस्थानमा उक्लिएको छ ।
नयाँ बसपार्कस्थित ढोरपाटन स्पोर्ट्स क्लबको खेल मैदानमा सोमबार भएको खेलमा एपिएफले बुलबुले रारा भलिबल क्लब (बीआरसी) माथि ३–० को सोझो सेटमा जित हात पार्दै लिगको शीर्षस्थानमा उक्लन सफल भएको छ । अपराजित रहेको एपिएफको ५ खेलबाट १४ अंक पुगेको छ । एकपक्षीय खेलमा एपिएफले बीआरसीमाथि २५–२०, २५–१२ र २५–१० को सहज जित हात पारेको थियो ।
आफ्ना मुख्य स्पाइकर प्रतिभा मालीविना लिग खेलिरहेको होङ्ग्वान्जी न्यु डायमन्ड स्पोर्ट्स क्लबले लिगमा पहिलो हार बेहोर्दा विभागीय त्रिभुवन आर्मी क्लबलाई ३–० को सोझो सेटमा नतिजा सुम्पिएको छ । प्रतिभाविना फितलो देखिएको डायमन्डले आर्मीलाई २५–२०, २५–१५ र २५–१२ ले नतिजा सुम्पियो । यस जितले आर्मीले ४ खेलबाट ९ अंक जोडेको छ । डायमन्डको ५ खेलबाट १२ अंक छ ।
यता, तीन इरानी खेलाडी समावेश गरेको चितवन टाइगर्सले दोहोरो जित हात पारेको छ । चितवनले पहिलो खेलमा सामाखुशी इंग्लिस बोर्डिङ स्कुल (सेव) लाई तथा दोस्रो खेलमा पारामाउन्ट स्कुलमाथि सहज जित निकाल्दै दोहोरो जित हात पारेको हो । दोहोरो जितसँगै चितवनले २ खेलबाट ६ अंक जोडेको छ । पहिलो खेलमा चितवनले सेवलाई २५–८, २५–७ र २५–५ को सहज जित निकाल्दा दोस्रो खेलमा पारामाउन्टको चुनौती २५–१३, २५–११ र २५–१२ ले पन्छायो । पारामाउन्टले ६ खेल खेल्दा ३ अंक मात्रै जोड्न सफल भएको छ ।
सोमबारै विभागीय नेपाल पुलिस क्लबले आयोजक ढोरपाटन स्पोर्ट्स क्लबमाथि २५–१६, २५–१० र २५–७ को सहज जित निकाल्दै दोस्रो स्थानमा उक्लन सफल भएको छ । पुलिसको ५ खेलबाट १३ अंक पुगेको छ । पुलिससँग पराजित भएको ढोरपाटनले पारामाउन्टमाथि २५–११, २५–१४ र २५–१३ को सहज जित हात पार्यो । ढोरपाटनको ५ खेलबाटै ९ अंक छ । लिगमा मंगलबार ५ खेल हुने आयोजकले जनाएको छ ।
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]