काठमाडौं (हाम्रो खेलकुद) – सीता भण्डारीले पाँचौं युरोपियन पारा तेक्वान्दो च्याम्पियनसिपमा कास्य पदक जितेकी छिन् ।
पोल्यान्डको वार्सामा शुक्रबार सम्पन्न प्रतियोगिताको के ४४ क्याटेगोरकिो ५८ केजी मुनिको तौल समूहमा सिताले तेस्रो स्थान हासिल गरेकी हुन् । दुई महिना अघि नेपाल खेलकुद पत्रकार मञ्चले आयोजना गरेको पल्सर स्पोर्टस अवार्डकी पारा एथलिट अवार्ड विजेता सीताले पहिलो खेलमा रसियाका अब्डुलुभा सेभिललाई १२–१ ले हराएकी ओलम्प्यिन एवंम् नेपाली टोलीका व्यवस्थापक दीपक विष्टले जानकारी दिएका छन् ।
सेमिफाइनलमा भने उनी अर्को रसियन खेलाडी रामाजानोभ एसाटसँग ६–१ ले पराजित भएपनि कास्य पदक पक्का पारेकी थिइन् । ५० केजी मुनिको तौल समूहमा प्रतिस्पर्धा गरेकी रञ्जना धामी भने सडन डेथसम्म हारिन् । रञ्जना उज्वेकिस्तानकी इस्कोभा जियोडाखोनसँग पराजित भइकी हुन् ।
नियमित र थप प्रशिक्षण एवंम वातावरण बनाउन सके नेपालले पारा तेक्वान्दोमा अझै सफलता प्राप्त गर्न सक्ने नेपाल राष्ट्रिय तथा अन्तर्राष्ट्रिय खेलाडी संघका अध्यक्ष समेत रहेका विष्टले विश्वास व्यक्त गरेका छन् ।
