2 years ago
December 10, 2021
एजेन्सी – इंग्लिस क्लब लेस्टर सिटीलाई पराजित गर्दै इटालियन क्लब नेपोली युरोपा लिगको नकआउट चरणमा पुग्न सफल भएको छ । समूह चरण पार गर्न जित निकाल्नै पर्ने खेलमा नेपोलीले घरेलु मैदानमा लेस्टरलाई ३–२ ले पराजित गर्दै अन्तिम १६ को यात्रा तय गरेको हो ।
नेपोली समूह ‘सी’ बाट उपविजेताको रुपमा अघि बढेको हो । यो समूहबाट रसियन क्लब स्पारटाक मस्को विजेता बन्दै अघिल्लो चरणमा पुग्न सफल भयो । स्पारटाक र नेपोलीको समान १० अंक नै रहेपनि स्पारटाक हेड टु हेडमा अघि रह्यो ।
डिएगो अर्मान्डो म्याराडोना स्टेडियम नेपोलीमा बिहीबार राति भएको खेलको चौथो मिनेटमा नै एडाम ओउनासको गोलबाट घरेलु टोलीले सुरुवाती अग्रता लिएको थियो । २४औं मिनेटमा इल्जिफ इल्मासले गोल गर्दै नेपोलीको अग्रता दोब्बर पारे ।
२७औं मिनेटमा जोनी इभान्सले गोल गर्दै खेललाई २–१ को अवस्थामा ल्याए । ३३औं मिनेटमा काइरनान डिउसवुरी हलले गोल गर्दै खेललाई २–२ गोलको बराबरीमा ल्याए । ५३औं मिनेटमा इल्जिफ इल्मासले गोल गर्दै नेपोलीलाई पुन खेलमा अग्रता दिलाए ।
त्यसपछि थप गोल निस्कन नसक्दा खेल नेपोलीले ३–२ ले आफ्नो पक्षमा पार्न सफल भयो । नेपोलीसँगको हारसँगै लेस्टर सिटीले युरोपा लिगको समूह चरण पार गर्न सकेन । लेस्टर ८ अंक जोडेर तेस्रो स्थानमा रह्यो ।
अन्य नतिजा
फेनरवाचविरुद्ध फ्रान्कफुर्ट (१–१), लेगिया वार्सजावाविरुद्ध स्पारटाक (०–१), लियोनविरुद्ध रेन्जर्स (१–१), नेपोलीविरुद्ध लेस्टर (३–२), रियल सोसिडाडविरुद्ध पिएसभी इन्डहोभेन (३–०), रोयल एन्टवेर्पविरुद्ध ओलम्पियाकोस (१–०), स्पार्टा प्राहाविरुद्ध ब्रोन्डवि आइएफ (२–०), स्ट्रम ग्राजविरुद्ध मोनाको (१–१), ब्रागाविरुद्ध एफए क्रेभेना जेभेज्दा (१–१), सेल्टिकविरुद्ध रियल बेटिस (३–२), फेरेन्कभारोसविरुद्ध लिभरकुसेन (१–०), जिन्कविरुद्ध रेपिड वेन (०–१), लाजियोविरुद्ध गालाटासारे (०–०), लुडागोरेट्स राजग्राडविरुद्ध मिट्जेल्यान्ड (०–०), मार्सेविरुद्ध लोकोमोटिभ (१–०) र वेस्ट ह्यामविरुद्ध डेनामो जाग्रिव (०–१)
May 20, 2024
एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]
May 19, 2024
एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]
May 19, 2024
एजेन्सी – प्रशिक्षक जोर्गेन क्लोपको अन्तिम खेलमा लिभरपुलले सुखद नतिजा प्राप्त गरेको छ । ९ वर्ष पछि लिभरपुलबाट विदा हुन लागेका क्लोपको अन्तिम खेलमा लिभरपुलले वल्भस विरुद्ध २-० को जित दर्ता गरेको हो । लिभरपुलको जितमा एलेक्सिस मक यालिस्टर र ज्यारेल क्वान्साहले १-१ गोल गरे । लिभरपुलले तेस्रो स्थानमा रहँदै लिग सिजनको अन्त्य गरेको छ […]