default_image

1 month ago

May 20, 2024

सोर्लाेथको चार गोलमा रियल म्याड्रिड रोकियो

2512 views

0 Bookmark

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ ।

खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा गुलेरले दुई तथा जोसेलु र लुकास भास्क्वेजले समान एक गोल गरे ।

खेलको १४औं मिनेटमा गुलेरको गोलबाट रियलले अग्रता बनाएको थियो । ३०औं मिनेटमा जोसेलुले गोल गर्दै रियलको अग्रता दोब्बर पारे । ३९औं मिनेटमा सोर्लाेथले गोल गर्दै गोल अन्तर २–१ मा झारे।

४०औं मिनेटमा लुकास भास्क्वेजले गोल गरेपछि रियल खेलमा ३–१ ले अघि बढ्यो । पहिलो हाफको इन्ज्युरी समयको थप गरिएको दोस्रो मिनेटमा अर्दा गुलेरले व्यक्तिगत दोस्रो तथा टोलीका लागि चौथो गोल गरेपछि रियलले पहिलो हाफमै ४–१ को आरामदायी अग्रता लिन सफल भयो ।

तर, दोस्रो हाफमा रियलले त्यो अग्रतालाई जोगाउन सकेन । दोस्रो हाफमा ९ मिनेटको अन्तरमा सोर्लाेथले ती गोल थप्दै खेललाई ४–४ गोलको बराबरीमा ल्याए ।

४८औं मिनेटमा दोस्रो गोल गरेका सोर्लाेले ५२औं मिनेटमा अर्काे गोल थप्दै ह्याट्रिक पूरा गरे । ५६औं मिनेटमा सोर्लाेथले व्यक्तिगत र टोलीका लागि चौथो गोल गर्दै खेललाई ४–४ गोलको बराबरीमा ल्याए ।

रियलविरुद्ध चार गोल गरेसँगै सोर्लाेथ ला लिगाको सर्वाधिक गोलकर्ताको सुचीमा शीर्षस्थानमा उक्लिएको छ । उनले यो सिजन ३३ खेल खेल्दा २३ गोल र ६ असिस्ट प्रदान गरेका छन् ।

यस बराबरीसँगै रियलको ३७ खेलबाट ९४ अंक पुगेको छ । भिल्लारियल ५२ अंक जोडेर आठौं स्थानमा छ ।

अन्य नतिजा
एथलेटिको बिल्वाओ
विरुद्ध सेभिया (–०)
एट्लेटिको मड्रिडविरुद्ध ओसासुना (१–)
बार्सिलोनाविरुद्ध रायो भालेकानो (–०)
क्याडिजविरुद्ध लास पाल्मास (०–०)
ग्रानडाविरुद्ध सेल्टा भिगो (१–)
मलोर्काविरुद्ध अल्मेरिया (२–२)
रियल बेटिसविरुद्ध रियल सोसिडाड (०–)
भ्यालेन्सियाविरुद्ध जिरोना (१–३)

June 23, 2024

चितवन जिल्ला लिग यसै साता सुरु हुने

सुशिल पन्त क्षेत्री, चितवनसेन्ट्रल कलेज चितवन जिल्ला ए डिभिजन लिग फुटबल यसै साता सुरु हुने भएको छ। आयोजक चितवन जिल्ला फुटबल संघले असार १४ गते सुरु हुने लिगमा  सहभागी १३ टोलीलाई‌ दुई समूह विभाजन गरेको  छ । सेन्ट्रल टावरमा आज (आइतबार) एक कार्यक्रमकाबीच भएको  विभाजनको समूह ए मा साविक विजेता हनामी भरतपुर फुटबल क्लब (बिएफसी) […]

June 22, 2024

पोर्चुगल युरोको अन्तिम १६ मा

एजेन्सी – लगातार दोस्रो जित दर्ता गर्दै पोर्चुगल युरो कप २०२४ को अन्तिम १६ मा प्रवेश गरेको छ । दोस्रो जित दर्ता गर्ने क्रममा पोर्चुगलले टर्कीलाई ३-० ले सहजै पराजित गरेको हो । पोर्चुगलका लागि बर्नार्डो सिल्भा र ब्रुनो फर्नान्डेजले १-१ गोल गरे भने १ गोल आत्मघाती गोल रहेको थियो । २१औं मिनेटमा बर्नार्डो सिल्भाले […]

June 22, 2024

जर्जिया र चेकियाको बराबरी 

काठमाडौँ (हाम्रोखेलकुद) – यूरो कप २०२४ अन्तर्गत शनिवार सम्पन्न पहिलो खेलमा जर्जिया र चेकियाले बराबरी खेलेका छन् । जर्मनीको ह्यामबर्गमा भएको खेल १-१ को बराबरीमा सकिएको हो । पहिलो हाफको अन्त्यतिर जर्जियाले खेलमा पेनाल्टीमार्फत अग्रता लिएको थियो । रोबिन ह्रनाचले बक्स भित्र ह्याण्डबल गरेपछि पाएको पेनाल्टीमा जर्जेस मिकाउताड्जेले कुनै गल्ती गरेनन् ।   खेलको ५९औ मिनेटमा […]

Success

Thank you for your time.