हाम्रो खेलकुद – झापामा जारी सुरुंगा गोल्डकपको फाइनल खेलमा रुपन्देही एघार र सशस्त्र प्रहरी बल (एपीएफ) फाइनलमा शनिबार दिउसो भिड्दै छन्।
दुवै टोलि सेमिफाइनल खेल टाइब्रेकरमा जित्दै फाइनल पुगेका हुन्। रुपन्देहीले मनाङ मर्श्याँग्दिलाइ हराएको थियो भने एपीएफले अर्को विभागीय टोलि नेपाल पुलिस क्लबलाई पराजित गर्दै फाइनल तय गरेको थियो।
भोलि हुने फाइनल खेलमा दुवै टोलि जित्नेमा विश्वस्त देखिएपनि रुपन्देही केहि बलियो देखिएको छ। पहिलो खेलमा अनुपस्थित रहेका बिमल घर्ति मगर र बिक्रम लामा सेमिफाइनलको दिनमात्र खेलस्थल पुगेका थिए। म्यान अफ द म्याच पाएका बिक्रम लामा र बिमलको आगमनले टोलि थप मजबुत भएको छ। उनीहरु संगै टोलीमा रंजित धिमाल, दिपक राई, जस्ता खेलाडी पनि उत्रनेछन्।
उता एपीएफमा भने नियमित रक्षक रमेश दंगाल दुइ पहेंलो कार्ड खाएका कारण अनुपस्थित रहनेछन। उनको स्थानमा सरोज कोइरालाले आदित्य चौधरीलाई साथ दिने देखिन्छ। अन्जन बिष्ट सेमीफाइनलमा ६० मिनेटमात्र खेलेर काठमाडौँ आएपनि आजै उनि झापा पुगिसकेका छन्।
