2 years ago
January 24, 2022
काठमाडौं (हाम्रो खेलकुद) – सहिद स्मारक ए डिभिजन लिगमा नवौं चरणको समाप्तीसम्म आइपुग्दा तुलानात्मक रुपमा एकरुपताको प्रदर्शन गर्ने दुई टोली मछिन्द्र फुटबल क्लब र संकटा क्लब सोमबार आहा रारा गोल्ड कप फुटबल प्रतियोगिताको क्वार्टरफाइनलमा प्रतिस्पर्धा गर्दैछन् । पोखरा रंगशालामा खेल दिउँसो २ः३० बजे सुरु हुनेछ । मछिन्द्र नवौं चरणको एक खेल बाँकी रहँदा २३ अंकका […]
काठमाडौं (हाम्रो खेलकुद) – सहिद स्मारक ए डिभिजन लिगमा नवौं चरणको समाप्तीसम्म आइपुग्दा तुलानात्मक रुपमा एकरुपताको प्रदर्शन गर्ने दुई टोली मछिन्द्र फुटबल क्लब र संकटा क्लब सोमबार आहा रारा गोल्ड कप फुटबल प्रतियोगिताको क्वार्टरफाइनलमा प्रतिस्पर्धा गर्दैछन् । पोखरा रंगशालामा खेल दिउँसो २ः३० बजे सुरु हुनेछ ।
मछिन्द्र नवौं चरणको एक खेल बाँकी रहँदा २३ अंकका साथ लिगको शीर्षस्थानमा रहेको छ । मछिन्द्र र त्रिभुवन आर्मी फुटबल क्लबमात्र नवौं चरण सम्म अपराजित छन् । आहा गोल्डकपको साविक विजेता समेत रहेको संकटा पनि आठौं चरण सम्म अपराजित टोली थियो । नवौं चरणमा संकटा थ्री स्टार क्लबसँग १–० ले पराजित भएको थियो । ९ खेलमा ३ जित ५ बराबरी र एक हार बेहोरेको संकटाको १४ अंक छ ।
मछिन्द्र र संकटाले गत महिना दशरथ रंगशालामा लिगको पाँचौं चरणमा गोलरहित बराबरी खेलेका थिए । मछिन्द्र विमल घर्तीमगर, सुजल श्रेष्ठ, सुनिल बल, विशाल राई, देवेन्द्र तामाङ, विशाल श्रेष्ठ र मनिष डाँगी लगायत राष्ट्रिय खेलाडी विना संकटाविरुद्ध उत्रनेछ । यस्तै संकटाका सुभाष गुरुङ पनि उपस्थित हुने छैनन् ।
मोरिससविरुद्ध माघ १५ र १८ गते दशरथ रंगशालामा राष्ट्रिय टोलीले मैत्रीपूर्ण खेल खेल्ने भएकाले राष्ट्रिय टोलीका कुनै पनि सदस्य आहा गोल्डकप खेलिरहेका छैनन् । राष्ट्रिय टोली मैत्रीपूर्ण खेलको तयारीमा जुटेको छ ।
लिगमा उच्च प्रदर्शन गराइरहेका प्रशिक्षक विष्णु गुरुङ पनि टोलीका साथ पोखरामा हुने छैनन् । उनलाई राष्ट्रिय टोलीका मुख्य प्रशिक्षक अब्दुल्लाह अलमुताइरीले आफ्नो दोस्रो सहायक प्रशिक्षकका रुपमा नियुक्त गरेका छन् । संकटा र मछिन्द्रबीचको विजेताले सेमिफाइनलमा एपिएफको सामना गर्नेछ । पहिलो खेलमा आयोजक सहारा क्लबलाई २-० र दोस्रो खेलमा बिवाइएससी अमेरिकालाई ३-१ ले हराउँदै एपिएफ अन्तिम चारमा पुगेको थियो ।
माघ १५ गते सम्म चल्ने प्रतियोगितामा ए डिभिजनका ८ सहित १० टोलीको सहभागिता रहेको छ । प्रतियोगिताको विजेताले १० लाख १ हजार र दोस्रो टोलीले ५ लाख १ हजार रुपैयाँ प्राप्त गर्नेछ ।
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]