एजेन्सी – म्यानचेस्टर युनाइटेडका गोलकिपर डेविड डे हेया पहिलो पटक प्रिमियर लिगको ‘प्लेयर अफ द मन्थ’ चुनिएका छन् । सन् २०११ मा इंग्ल्यान्ड पुगेयता उनी प्लेयर अफ मेन्थ चुनिएको यो पहिलो अवसर हो ।

जनवरीमा स्पेनिस गोलकिपरले २२ वटा बचाउ गर्दै उत्कृष्ट प्रदर्शन गर्दै उपाधि जितेका हुन् । यो सिजन ८४ बचाउका साथ प्रिमियर लिगमा उनी शीर्षस्थानमा रहेका छन् । डे हेया भन्दा पछि लिड्स युनाइटेडका गोलकिपर इयान मेलिएर रहेका छन् । डे हेया भन्दा उनले १३ वटा बचाउ कम गरेका छन् ।

प्रिमियर लिगमा ३ सय ६१ खेल खेलेसकेका डे हेया मतका आधारमा पहिलो पटक प्लेयर अफ दी मन्थ बनेका हुन् । उनले वेस्ट ह्यामका जेरड बोवेन, म्यानचेस्टर सिटीका केभिड डि ब्रुएन, लिड्स युनाइटेडका ज्याक हारिसन, वल्भ्सका जोआओ मोउटिन्हो र साउथह्याम्पटनका कप्तान जेम्स वार्ड प्राउजलाई पछि पारेका हुन् ।

सन् २०१६ पछि प्लेयर अफ मन्थ बन्ने डे हेया पहिलो गोलरक्षक हुन् । त्यति बेला साउथह्याम्टनका फ्रेजर फ्रोस्टर प्लेयर अफ दी मन्थ चुनिएका थिए । डे हेया जनवरीका लागि युनाइटेडको पनि प्लेयर अफ दी मन्थ चुनिएका थिए । यो सिजन उनी तेस्रो पटक क्लबको प्लेयर अफ दी मन्थ बनेका हुन् । डे हेयाले प्रदान गर्ने सर माट बसबे प्लेयर अफ दी इयर २०१४,२०१५,२०१६ र २०१८ मा जितेका थिए । त्यो अवार्ड युनाइटेडका सिजनका उत्कृष्ट खेलाडीलाई दिइने गरिन्छ ।