default_image

6 days ago

May 12, 2024

सैनिकलाई यू-१६ क्रिकेटको उपाधि

392 views

0 Bookmark

काठमाडौं (हाम्रो खेलकुद) – सैनिक आवासीय महाविद्यालयले जयकुमार नाथ शाह स्मृति यू-१६ अन्तर स्कुल क्रिकेट प्रतियोगिता २०८१ को उपाधि जितेको छ । उपाधिसँगै सैनिकले डेढ लाख रुपैयाँ हात पार्यो ।

आइतबार मुलपानी क्रिकेट मैदानमा भएको फाइनलमा मोक्षदा स्कुललाई १० विकेटले पराजित गर्दै सैनिकले उपाधि जितेको हो । वर्षाले प्रभावित खेलमा सैनिकले जितका लागि ९ ओभरमा ७० रन बनाउनुपर्ने थियो । त्यसअघि मोक्षदाले २० ओभरमा ८ विकेट गुमाएर १ सय ४२ रन जोडेको थियो ।

फाइनलका प्लेयर अफ द म्याच रमण गिरीले २० बलमा ३५ रन जोड्दै विजयी इनिङ खेलेका थिए । त्यस्तै रोजल खड्काले २१ बलमा ३३ रन जोड्दै साथ दिए ।

मोक्षदाका लागि संयम गिरिले ३९ बलमा ३७ रन जोड्दा नितेश बुढाथोकीले २४ रन बनाए । आलोक शाहले ९ बलमा २२ रनको इनिङ खेलेका थिए ।

सैनिकले डेढ लाख प्राप्त गर्दा उपविजेता मोक्षदाले ७५ हजार रुपैयाँमा चित्त बुझायो । प्रतियोगिताका सर्वोत्कृष्ट खेलाडी एन्जल्स हार्ट स्कुलका युवराज खत्रीले २० हजार रुपैयाँ पाए । मोक्षदा स्कुलका इशान शाह उत्कृष्ट बलर तथा संयम नेपाल उत्कृष्ट ब्याटर बन्दै जनही १०-१० हजार पाए । सैनिकका सफल पौडेल उदियमान खेलाडी बन्दै ५ हजार रुपैयाँ पाए ।

काठमाडौं जिल्ला क्रिकेट संघले क्यानका पूर्व अध्यक्ष जयकुमार नाथ शाहको स्मृतिमा प्रतियोगिता आयोजना गरेको थियो ।

May 18, 2024

एपिएफ अपराजित रहँदै च्याम्पियन 

काठमाडौँ (हाम्रो खेलकुद) – नेपाल एपिएफ क्लब अपराजित रहँदै चौथो संस्करणको ललितपुर मेयर्स महिला टि-२० च्याम्पियनसिप २०८१ को उपाधि जितेको छ । शनिवार भएको फाइनलमा सुदुरपश्चिम प्रदेश माथि २ रनको रोमान्चक जित दर्ता गर्दै एपिएफले चौथो संस्करणमा चौथो पटक नै उपाधि जितेको हो । अन्तिम दुई ओभरमा २९ रन चाहिएको अवस्थामा सुदुरकी कविता जोशीले राजमती […]

May 17, 2024

सुदुरपश्चिम ललितपुर मेयर्स कपको फाइनलमा

काठमाडौं (हाम्रो खेलकुद) – सुदुरपश्चिम प्रदेश ललितपुर मेयर्स महिला टि-२० च्याम्पियनशिपको फाइनलमा प्रवेश गर्ने दोस्रो टोली बनेको छ । लिग चरणको अन्तिम खेलमा बागमती प्रदेश विरुद्ध १०९ रनको फराकिलो जित दर्ता गर्दै सुदुरपश्चिमले एपिएफ क्लब विरुद्धको उपाधि भिडन्त पक्का गरेको हो । सुदुरपश्चिमले दिएको १५८ रनको विशाल लक्ष्य पछ्याएको बागमती १६.१ ओभरमा ४८ रनमा समेटियो […]

May 17, 2024

बुद्धशान्तिका युवा क्रिकेटरलाई बर्खा स्मृति प्रतिष्ठानले दियो खेल सामग्री

हिमाल खरेल, बिर्तामोड बुद्धशान्तिको बर्खा स्मृति प्रतिष्ठानले बुद्धशान्तिका युवा क्रिकेट खेलाडीलाई खेल सामग्री प्रदान गरेको छ । झापाको बुधबारेमा आयोजित एक कार्यक्रमका बीच प्रतिष्ठानले पालिकाबाट प्रतिनिधित्व गर्ने युवा क्रिकेटरलाई आवश्यक सामग्री प्रदान गरिएको अध्यक्ष मदन प्रसाईंले बताए । प्रसाईंका अनुसार खेलाडीहरुलाई अभाव रहेको ब्याट, लेदर बल, स्टम्प, ग्लोभ्सलगायत खेल सामग्री हस्तान्तरण गरिएको छ । खेल […]

Success

Thank you for your time.