3 years ago
February 7, 2022
एजेन्सी – स्पेनिस मिडफिल्डर मार्काे एसेन्सियोको निर्णायक गोलमा ला लिगाको शीर्षस्थानमा रहेको रियल म्याड्रिडले ग्रानडामाथि संघर्षपुर्ण जित निकालेको छ ।
गोलरक्षक लुइस म्याक्सिमिलियानो लगातार बाधक बन्दा रियलले घरेलु मैदानमा ग्रानडामाथि १–० को कठिन जित निकालेको हो । सान्टियागो बर्नबेउमा आइतबार राति भएको खेलमा रियलको जितमा एसेन्सियोले दोस्रो हाफमा गरेको गोल नै निर्णायक बन्यो । उनले ७४औं मिनेटमा गोल गरेका थिए ।
पाँचौ मिनेटमा गोनालोन्सको वान भर्सेस वानको स्थितिको प्रहारलाई रियलका गोलरक्षक थिवाउट कोर्टुवाले मुस्किलले बचाए । १३औं मिनेटमा एसेन्सियोको प्रहारलाई गोलरक्षक म्याक्सिमिलियानोले मुस्किलले नियन्त्रणमा लिए । ३१औं मिनेटमा टोनी क्रुसको लामो पासमा ड्यानियल कार्भाहलको क्रसमा कार्लाेस नेभाको क्लियरेन्स क्रसबारमा लाग्दै फर्कदा रियल अग्रता लिनबाट चुक्यो ।
त्यसपछि नजिकै रहेका एसेन्सियोले बल भेट्नुअघि नै गोलरक्षकले नियन्त्रणमा लिए । ४३औं मिनेटमा एसेन्सियोको प्रहारमा गोलरक्षक नै बाधक बने । लगत्तै ४४औं मिनेटमा इस्कोको भली प्रहारलाई गोलरक्षक म्याक्सिमिलियानोले पञ्च गर्दै टोलीको खतरा टारे ।
६१औं मिनेटमा रोड्रिगोको प्रहारलाई म्याक्सिमिलियानोले पञ्च गर्दै बाहिर पठाए । त्यसमै प्राप्त कर्नरमा एसेन्सियोको प्रहारमा म्याक्सिमिलियानो नै बाधक बने । ६६औं मिनेटमा लुका जोभिकको प्रहार सदुपयोग हुन सकेन ।
रियलको एकपछि अर्काे प्रहारलाई विफल पारेका गोलरक्षक म्याक्सिमिलियानोले ६४औं मिनेटमा गोल खान पुग्यो । इडर मिलिसाओले रावाबाट बल खोसेपछि एसेन्सियोले नियन्त्रणमा लिदै झन्डै २५ यार्ड टाढाबाट गरेको प्रहार गोलमा परिणत हुँदा गोलरक्षकले बचाउने कुनै मौका नै पाएन ।
७९औं मिनेटमा रियलले पेनाल्टीको अपिल गरेपनि भिएआरबाट मान्यता दिएन । लुका मोड्रिचको फ्रिकिकमा गोनालोन्सले डिबक्स बाहिर ह्यान्ड देखिएको थियो । ८३औं मिनेटमा एसेन्सियोको अर्काे प्रहारमा गोलरक्षक नै बाधक बन्यो । इन्ज्युरी समयको थप गरिएको पहिलो मिनेटमा एसेन्सियोको प्रहारमा पुनः एकपटक गोलरक्षक नै बाधक बन्दा रियलले कठिन जित निकाल्यो ।
यो जितसँगै रियलले शीर्षस्थानमा स्पष्ट ६ अंकको अग्रता लिएको छ । रियलको २३ खेलबाट ५३ अंक पुगेको छ । समान खेलबाटै दोस्रो स्थानमा रहेको सेभियाको ४७ अंक छ । पराजित ग्रानडा २४ अंक जोडेर १६औं स्थानमा रहेको छ ।
September 20, 2024
सुशील पन्त क्षेत्री,चितवन प्रतिस्पर्धात्मक खेलमा राइजिङ स्टार भुमहीलाई पराजित गर्दै आयोजक हानामी भरतपुर फुटबल क्लब (बिएफसी) गोल्डेन इमिनेन्ट दोस्रो चितवन गोल्डकपको क्वाटरफाइनलमा प्रवेश गरेको छ । नेपाल प्रहरी शिक्षालयको मैदानमा आज भएको खेलमा बिएफसीले राइजिङलाई ३-२ ले हरायो । बिएफसीको जितमा राज भुसालले २ तथा सन्जीब बिष्टले १ गोल गरे । राङजिङ स्टारका फागुराम थारु […]
September 20, 2024
सुमन अधिकारी, बुटवललिस्नु युवा क्लब रुपन्देहीमा जारी ३६ औं झरना रनिङ शिल्ड फुटबल प्रतियोगिताको क्वाटरफाईनलमा प्रवेश गरेको छ । स्वर्गिय खगी गुरुङसेनीको पुण्य स्मृतिमा झरना स्पोर्टस क्लबको आयोजनामा जारी प्रतियोगिताको तेस्रो दिन शुक्रवार सुनौलो संगम युवा क्लबलाई ४-० ले पराजित गर्दै लिस्नु समुह एबाट अन्तिम ८ मा पुग्ने पहिलो टोली बनेको छ । लिस्नुलाई जित […]
September 20, 2024
काठमाडौं(हाम्रो खेलकुद) – अमिशा कार्की र चन्द्रा भन्डारीले ह्याट्रिक गरेको एन्फा महिला लिगको खेलमा त्रिभुवन आर्मी क्लबले चन्द्रपुर नगरपालिकामाथि फराकिलो जित हात पारेको छ । सातौं खेलमा पाँचौ जित निकाल्ने क्रममा शुक्रवार आर्मीले चन्द्रपुरलाई १०-० ले पराजित गर्यो ।एन्फा कम्प्लेक्स सातदोबाटोमा भएको खेलमा आर्मीकस अमिशा र चन्द्रासँगै हिमा चौधरी, दिपा शाही, शर्मिला मगर र अन्जना […]