2 years ago
February 18, 2022
काठमाडौं (हाम्रो खेलकुद)– अखिल नेपाल फुटबल संघ (एन्फा) विशेष साधारण सभा दोस्रो पटक पनि स्थगित भएको छ । शनिबार विहान ११ः३० बजेका लागि भर्चुअल माध्यमबाट गर्ने भनिएको विशेष साधारण सभा प्राविधिक कारणवश स्थागित गरिएको एन्फा महासचिव इन्द्रमान तुलाधरद्वारा शुक्रबार जारी विज्ञप्तीमा उल्लेख गरिएको छ । यसअघि माघ २९ गतेका लागि तय भएको विशेष साधारण सभा […]
काठमाडौं (हाम्रो खेलकुद)– अखिल नेपाल फुटबल संघ (एन्फा) विशेष साधारण सभा दोस्रो पटक पनि स्थगित भएको छ । शनिबार विहान ११ः३० बजेका लागि भर्चुअल माध्यमबाट गर्ने भनिएको विशेष साधारण सभा प्राविधिक कारणवश स्थागित गरिएको एन्फा महासचिव इन्द्रमान तुलाधरद्वारा शुक्रबार जारी विज्ञप्तीमा उल्लेख गरिएको छ । यसअघि माघ २९ गतेका लागि तय भएको विशेष साधारण सभा स्थागित गरिएको थियो ।
अघिल्लो पटक स्थगित गर्दा महासचिव तुलाधरले एन्फाको आसन्न निर्वाचनका लागि तयार पारिएको नियमावलीमा विश्व फुटबल महासंघ (फिफा) र एसियाली फुटबल महासंघ (एएफसी) को सुझावका लागि केहि समय लाग्ने भएकाले एक साताका लागि साधारण सभा स्थगित गरिएको बताएका थिए ।
‘एन्फा कार्यसमितिबाट निर्वाचन नियमावली तयार भएको छ । त्यसलाई फिफा र एएफसीमा पठाएका छौं । उताबाट केहि समय लाग्ने बताएपछि एक साता सारेका हौं, पहिलो पटक स्थगित हुँदा तुलाधरले भनेका थिए, ‘ विशेष साधारण सभामा निर्वाचिन सम्बन्धि विषय नै मुख्य भएकोले फिफा र एएफसीको सुझाव लिनु उपयुक्त हुन्छ ।’
तुलाधरका अनुसार एन्फाको विधान अनुसार साधारण सभाले नै एन्फाको निर्वाचन समिति र निर्वाचन पुनरावलोकन समिति गठन गर्नुपर्नेछ । ‘ विशेष साधारण सभाले निर्वाचन समिति र निर्वाचन पुनरावलोकन समिति गठन गर्नेछ। त्यस्तै अध्यक्षलगायत पदाधिकारी र सदस्यको उम्मेदवारको दर्ता शुल्क तोक्नेछ,’ उनले भनेका थिए,‘त्यसबाहेक कोरोनाका कारण खर्च अनुमान गर्न मिलेको थिएन । त्यसलाई पनि विशेष साधारण सभामा प्रस्तुत गरिनेछ ।’
फुर्चुअल माध्यमबाट हुने भनिएको एन्फा विशेष साधारण सभामा एन्फाका ४८ सदस्य जिल्ला फुटबल संघ, ए,बी, सी डिभिजनका प्रतिनिधि, महिला समिति, प्रशिक्षक समिति, खेलाडी, रेफ्री समितिका प्रतिनिधिले भाग लिनेछन् । स्थगित विशेष साधारण सभा अब कहिले हुने भन्ने एन्फाले मिति तय गरेको छैन । विशेष सधारण सभा हुने मिति, समय र स्थान अर्को पत्र मार्फत सूचित गरिने व्यहोरा सम्बन्धित सबैमा जानकारी गराउँदछौं, एन्फाको विज्ञप्तीमा भनिएको छ ।
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले पहिलो खेलमा गोलरहित बराबरी खेलेको छ । एल्डरशट स्थित मिलिटरी स्टेडियममा भएको खेलमा नेपालले ब्रिटिश आर्मी टोली विरुद्ध गोलरहित बराबरी खेलेको हो । नेपाली टोली भिसा ढिलो आएका कारण अन्योलमा रहेको खेल अन्त्यमा तालिका अनुसार नै अघि बढेको थियो । खेल अवधिभर नेपाली टोली […]
May 3, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत शुक्रबार सम्पन्न खेलहरुमा समाज कल्याण खेलकुद केन्द्र र स्पोर्ट्स एकेडेमी साँगा विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा समाज कल्याणले साँगा माथि ५-० को फराकिलो जित दर्ता गरेको हो । समाज कल्याणको जितमा सुजन चौधरीले ह्याट्रिक पूरा गरे। यस्तै रोजल दाहालले […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]