समाज कल्याण र आरसी ३२को जित

काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत शुक्रबार सम्पन्न खेलहरुमा समाज कल्याण खेलकुद केन्द्र र स्पोर्ट्स एकेडेमी साँगा विजयी भएका छन् ।

एन्फा कम्प्लेक्स सातदोबाटोमा भएको दिनको पहिलो खेलमा समाज कल्याणले साँगा माथि ५-० को फराकिलो जित दर्ता गरेको हो । समाज कल्याणको जितमा सुजन चौधरीले ह्याट्रिक पूरा गरे। यस्तै रोजल दाहालले दुई गोल गरे ।

जित सँगै समाज कल्याण ६ खेलमा ९ अंक सँगै चौथो स्थानमा उक्लिएको छ भने पराजित साँगाको पनि समान ६ खेलमा ९ अंक सहित पाँच स्थानमा रहेको छ ।

शुक्रबार नै भएको दिनको दोस्रो खेलमा आरसी ३२ ले स्वयम्भू क्लब विरुद्ध १-० को झिनो अन्तरको जित दर्ता गर्यो । आरसी ३२ का लागि खेलको एकमात्र गोल बबिन बोहोरले गरे ।

आरसी ३२ आजको जित सँगै ६ खेलमा १४ अंक बटुल्दै तालिकाको शीर्ष स्थानमा उक्लिएको छ । स्वयम्भू भने ६ खेलमा १४ अंक सहित १३औं रहेको छ ।

सि डिभिजन लिगमा आउँदो आईतवार दुई खेल हुँदै छन् । दिनको १ बजे हुने पहिलो खेलमा बागमती युथ क्लब र मनोहरा युनाइटेड भिड्ने छन् भने ४ बजे हुने दोस्रो खेलमा महावीर क्लब र गोलबजार स्पोर्ट्स क्लब भिड्ने छन् ।

समाज कल्याण र आरसी ३२को जित

Latest News

Popular News

फुटबल

साफ च्याम्पियनसिपका लागि थप ३ टोली आइपुगे

साम्बाले साफको पहिलो खेल गुमाउने!

फ्रान्सको लगातार तेस्रो जित

चर्चित खेलहरु:

उपयोगी लिङ्कहरू

सम्पर्क

सामाजिक संजाल