2 years ago
February 24, 2022
काठमाडौं (हाम्रो खेलकुद) – हिमालयन शेर्पा क्लब र फ्रेन्ड्स क्लबले कतार एअरवेज सहिद स्मारक लिगको आफ्नो अन्तिम खेलमा बराबरी खेल्दै अंक बाँडेका छन् । शेर्पा र फ्रेन्ड्सले १–१ गोलको बराबरी खेलेको हो । फ्रेन्ड्सले आत्मघाती गोलबाट अग्रता लिएपनि शेर्पाले अन्तिम समयमा गोल गर्दै टोलीलाई हारबाट जोगाए । त्रिपुरेश्वरस्थित दशरथ रंगशालामा बिहीबार भएको प्रतिस्पर्धात्मक खेलको दुवै […]
काठमाडौं (हाम्रो खेलकुद) – हिमालयन शेर्पा क्लब र फ्रेन्ड्स क्लबले कतार एअरवेज सहिद स्मारक लिगको आफ्नो अन्तिम खेलमा बराबरी खेल्दै अंक बाँडेका छन् । शेर्पा र फ्रेन्ड्सले १–१ गोलको बराबरी खेलेको हो ।
फ्रेन्ड्सले आत्मघाती गोलबाट अग्रता लिएपनि शेर्पाले अन्तिम समयमा गोल गर्दै टोलीलाई हारबाट जोगाए । त्रिपुरेश्वरस्थित दशरथ रंगशालामा बिहीबार भएको प्रतिस्पर्धात्मक खेलको दुवै गोल दोस्रो हाफमा भएको थियो ।
२१औं मिनेटमा मुताम्वा पिस्टोनको पासलाई निसेन सुब्बाको कमजोर क्लियरेन्सलाई विसन गुरुङको पेनाल्टी बक्सबाहिरको प्रहारलाई गोलरक्षक आशिष थाडामगरले डाइभ दिदै बचाउँदा शेर्पा अग्रता लिनबाट चुक्यो ।
७३औं मिनेटमा दिवस उराउको आत्मघाती गोलबाट फ्रेन्ड्सले अग्रता लिन सफल भयो । रोनेल एन्थोली पउलको फ्रिकिकलाई दिवसले हेडमार्फत बचाउने क्रममा गोलरक्षक किशोर गिरी झुक्किन पुग्दा बलले जाली चुमेको थियो । ८९औं मिनेटमा विसन गुरुङले गोल गर्दै खेललाई १–१ गोलको बराबरी ल्याउँदै टोलीलाई हारबाट जोगाए ।
यो बराबरीसँगै शेर्पाले लिगको १३ खेलबाट १४ अंक जोड्यो । शेर्पाले ३ जित र समान ५ बराबरी र हारको नतिजा निकाल्यो । फ्रेन्ड्सको १३ खेलबाट ११ अंक जोड्दै १२औं स्थानमा लिगको अन्त्य गरेको छ । फ्रेन्ड्सले लिगमा २ जित, ५ बराबरी र ६ हारको नतिजा निकाल्यो ।
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]