काठमाडौं (हाम्रो खेलकुद)– सहिद स्मारक ए डिभिजन लिगको ४४ औं संस्करणमा मछिन्द्र फुटबल क्लबले लिगको उपाधि जित्दा च्यासल युथ क्लब र ब्रिगेड ब्वाइज क्लब (बिबिसी) रेलिगेसनमा परे ।

१४ टोलीको सहभागितामा मंसिर ३ गते सुरु भएको लिग पहिलो पटक दशरथ रंगशालाको फ्लड लाइटमा खेलाइएको थियो । १३ औं चरण मध्ये आधा भन्दा बढी लिगका खेल शुक्रबार, शनिबार, आइतबार र सोमबार गरि साताका ४ दिन खेलाइएको थियो । मछिन्द्रले ११ औं चरणको अन्त्यमै लिग उपाधि जितेको थियो ।

मछिन्द्रले लगातार दोस्रो पटक उपाधि जितेको हो । लगातार दोस्रो पटक लिग जित्ने मछिन्द्र लिग इतिहासको सातौं क्लब हो । यसपटक दोस्रो स्थानका टोलीलाई मछिन्द्रले अंकमा निकै पछाडि पारेको थियो । १३ खेलमा ११ जित र २ खेलमा बराबरी गरेको मछिन्द्रले सम्भव ३९ मध्ये ३५ अंक जोडेको थियो । दोस्रो स्थानमा रहेको त्रिभुवन आर्मी फुटबल क्लब र न्यूरोड टिम (एनआरटी) ले समान २३ अंक जोडेका थिए ।

ए डिभिजनको नवप्रवेशी टोली सातदोबाटो युथ क्लबले चौथो स्थानमा लिगको अन्त्य गरेको थियो । लिगको सर्वाधिक सफल आठ पटकको विजेता मनाङ मस्र्याङ्दी क्लबले पाँचौं र चार पटकको विजेता थ्री स्टार क्लबले छैटौं स्थानमा रहँदै लिगको यात्रा सम्पन्न गरेका थिए ।

यसपटकको लिगमा ९१ खेल भएका थिए । जसमा ५८ खेलमा हार जितको नतिजा निस्कयो । त्यस्तै ३३ खेल बराबरीमा टुंगिएका थिए । जसममध्ये १४ खेल गोलरहित र १९ खेल गोलसहित बराबरी भएका थिए । लिगमा जम्मा १ सय ९० गोल भएका थिए । त्यसमध्ये ८४ गोल पहिलो हाफ र १ सय ६ गोल दोस्रो हाफमा सम्भव भएको थियो । यसपटक प्रति खेल २.०८ गोल औसत रहयो । गत सिजन २ सय १० गोल सम्भव हुँदा प्रति खेल २.३१ को औसतमा गोल भएको थियो ।

लिगभर तीन खेलाडीले मात्र ह्याट्रिक गरे। ह्याट्रिक गर्ने सबै विदेशी खेलाडी थिए । सातदोबाटोका अजायी मार्टिन्सले एपिएफविरुद्ध, मनाङका ओलावाले अफिजले च्यासलविरुद्ध र एनआरटीका मेकुके ओलुमोउले नेपाल पुलिस क्लबविरुद्ध ह्याट्रिक पूरा गरेका थिए ।

७ खेलाडीले आत्मघाती गोल गरेका थिए । ८ खेलाडीले पेनाल्टीमा गोल गरे भने ३ खेलाडीले पेनाल्टीमा गोल गर्न सकेनन् । लिग २ सय ६५ पहेलो कार्ड र ६ रातो कार्ड प्रयोग भएको थियो । लिगमा ९५ खेलाडीले गोल गरेका थिए । जसमा फ्रेन्ड्स क्लबका जमोल एन्थोनी फ्रान्कोइस र एनआरटीका मेसुके ओलुमोउले समान ७ गोल गरेका थिए । लिगमा ३ खेलाडीले ६, ३ खेलाडीले ५, ६ खेलाडीले ४, ९ खेलाडीले ३, २० खेलाडीले २ र ५२ खेलाडीले १ गोल गरेका थिए ।

तथ्याङ्कमा सहिद स्मारक ‘ए’ डिभिजन लिग २०७८

जम्मा खेलः ९१

५८ जितको नतिजा

३३ बराबरीको नतिजा [१४ खेल गोलरहित, १९ खेल गोलसहित]

जम्मा गोल – १९० [पहिलो हाफमा गोल – ८४ गोल, दोस्रो हाफमा गोल –१०६ गोल]

गोल औसत : २.०८ गोल प्रतिखेल

ह्याट्रिक – ३ [अजायी मार्टिन्स (सातदोबाटो) एपीएफविरुद्ध, ओलावाले अफिज (मनाङ) च्यासलविरुद्ध, मेसुके ओलुमोउ (एनआरटी) पुलिसविरुद्ध]

आत्मघाती गोल – ७

पहेंलो कार्डः २६५

रातो कार्ड – ६

पेनाल्टीमा गोल – ८

पेनाल्टी मिस – ३

सर्वाधिक गोलकर्ता

१. जमोल एन्थोनी फ्रान्कोइस (फ्रेन्ड्स) – १+१+२+१+२ – ७ गोल

२. मेसुके ओलुमोउ (एनआरटी) – १+२+१+३ – ७ गोल

३. ओलावाले अफिज (मनाङ) – १+१+३+१ – ६ गोल

४. सुनिल बल (मछिन्द्र) – २+१+१+१+१ – ६ गोल

५. अजायी मार्टिन्स (सातदोबाटो) – ३+१+१+१ – ६ गोल

६. आशिष लामा (एपिएफ) – १+२+१+१ – ५ गोल

७. उत्तम राई (संकटा) – १+२+१+१ – ५ गोल

८. अन्जन विष्ट (मनाङ) – २+१+१+१ – ५ गोल

९. विमल घर्तीमगर (मछिन्द्र)– १+२+१ – ४ गोल

१०. दर्शन गुरुङ (एनआरटी) – २+२ – ४ गोल

११. नाथानिल जुडे गार्सिया (फ्रेन्ड्स) – १+१+२ – ४ गोल

१२. मुताम्वा पिस्टोन (शेर्पा) – १+२+१ – ४ गोल

१३. सुमन लामा (पुलिस) – १+१+१+१ – ४ गोल

१४. जर्जप्रिन्स कार्की (आर्मी) – १+१+१+१ – ४ गोल

७ गोल गर्ने – २ जना

६ गोल गर्ने – ३ जना

५ गोल गर्ने – ३ जना

४ गोल गर्ने – ६ जना

३ गोल गर्ने – ९ जना

२ गोल गर्ने – २० जना

१ गोल गर्ने – ५२ जना

लिगको सम्पूर्ण तथ्यांक हेर्न यहाँ थिच्नुहोस