2 years ago
April 22, 2022
काठमाडौं (हाम्रो खेलकुद) – नेपालको राष्ट्रिय महिला भलिबल टोली र महिला फुटबल टोलीले पहिलोपटक एसियाली खेलकुद (एसियाड) मा सहभागिता जनाउने भएका छन् ।
राष्ट्रिय खेलकुद परिषद् (राखेप) को शुक्रबार बसेको १ सय १२औं बोर्ड बैठकले आगामी भदौ २५ देखि असोज ९ गतेसम्म चीनको हाग्ंजोउ शहरमा आयोजना हुने १९औं एसियाडमा महिला भलिबल टोली र महिला फुटबलसहित २३ खेल सहभागी गराउने निर्णय गरेको छ ।
यसअघि पुरुष भलिबल टोली र फुटबल टोलीले एसियाडमा भाग लिइसकेका छन् । यसपटकको फुटबल र भलिबलका पुरुष टोलीले एसियाड खेल्ने छैनन् । महिला राष्ट्रिय भलिबल टोलीले गत पुसमा बंगलादेशमा भएको सेन्ट्रल जोन च्यालेन्ज कपको उपाधि जितेर फर्कदा युवा तथा खेलकुद मन्त्री महेश्वर जंग गहतराज ‘अथक’ले महिला टोलीलाई एसियन गेम्समा सहभागिता गराउने वचन दिएका थिए ।
महिला भलिबलका लागि यो नै अब सबैभन्दा ठुलो प्रतियोगिता हुनेछ । महिला भलिबल टोलीले पाँचपटक दक्षिण एसियाली खेलकुद (साग) खेल्दा एकमा रजत र चारपटक कास्यपदक जितेको छ । दुईपटक सेन्ट्रल जोन खेल्दा दुवैपटक अपराजित रहेर च्याम्पियन बनेको थियो ।
नेपालले सन् २०१७ माल्दिभ्समा भएको वुमन्स वल्ड एसियन सेन्ट्रल जोन क्वालिफायर पनि खेलेको छ । यस्तै विभिन्न आधिकारिक र मैत्रीपूर्ण खेल पनि खेलेको छ ।
पुरुष भलिबल टोलीले ३२ वर्षपछि सन् २०१८ मा इन्डोनेसियामा भएको एसियन गेम्समा प्रतिस्पर्धा गर्दा १५औं स्थान हासिल गरेको थियो । त्यतिबेला पुरुष भलिबलमा २० राष्ट्रको सहभागिता रहेको थियो । १८औं एसियन गेम्सका पुरुष फुटबल टोलीको प्रदर्शन फितलो नै रहेको थियो ।
१९ औं एसियाडमा नेपालले भाग लिने खेल
तेक्वान्दो, कराँते, बक्सिङ, एथलेटिक्स, साईक्लिङ, महिला फुटबल, गल्फ, कुस्ती, भारत्तोलन, जुडो, पौडी, ट्रायथेलेन, उसु, आर्चरी, बास्केटबल, कबड्डि, फेन्सीङ, ह्याण्डबल, टेबल टेनिस, महिला भलिबल, पुरुष क्रिकेट, सुटिङ र ब्याडमिन्टनमा सहभागीता जनाउने निर्णय गरेको हो ।
May 14, 2024
एजेन्सी – जोन डुरानले खेलको अन्त्यतिर २ गोल गरेपछि इंग्लिस प्रिमियर लिगमा सोमबार लिभरपुल एस्टन भिल्लासँग ३-३ को बराबरीमा रोकिएको छ। लिगको उपाधि दौडबाट बाहिरी सकेको लिभरपुलले २ पटकको अग्रतालाई जोगाउन सकेन। दोस्रो मिनेटमा डामिना मार्टिनेजले आत्मघाती गोल गरेपछि लिभरपुलले अग्रता लियो । १२ औं मिनेटमा योरी टेलिमान्सले वले वाटिकन्सको पासमा गोल गर्दै एस्टन भिल्लालाई […]
May 13, 2024
काठमाडौं (हाम्रो खेलकुद) – एएफसी क्लब लाइसेन्स पाएसँगै चर्च ब्वाइज युनाइटेडले एएफसि प्रतियोगिता खेल्न बाटो खुलेको छ । अखिल नेपाल फुटबल संघ (एन्फा) ले सोमबार घोषणा गरेसँगै गत सिजनको लिग विजेता चर्च ब्वाइजले महादेशीय प्रतियोगिता खेल्न योग्य भएको हो । एन्फाले सोमबार सार्वजनिक गरेअनुसार चर्च ब्वाइज युनाइटेड र त्रिभुवन आर्मी फुटबल क्लबले आवश्यक मापदण्ड पूरा […]
May 13, 2024
एजेन्सी – पेरिस सेन्ट जर्मेन (पिएसजी) किलियन एमबाप्पेको गोलका बाबजुद पराजित भएको छ। फ्रान्सेली च्याम्पियन पिएसजी आइतबार टुलुजसँग ३-१ गोलले पराजित भएको हो । पिएसजी छोड्ने घोषणा गरिसकेका एमबाप्पेले खेलको आठौं मिनेटमा गोल गरेका थिए। तर टुलुजका थिज्स डलिङ्गाबाट १३ औं मिनेटमा बराबरी गोल फर्काए । यान गोबोहोको गोलबाट टुलुजले ६८ औं मिनेटमा अग्रता लिएको […]