एजेन्सी – इंग्लिस क्लब आर्सनल र वेस्ट ह्याम युनाइटेडका पुर्व इंग्लिस मिडफिल्डर ज्याक विल्सेरले ३० वर्षको उमेरमा नै फुटबलबाट सन्यासको घोषणा गरेका छन् ।

विल्सेरले विज्ञप्ति जारी गर्दै फुटबलबा सन्यासको घोषणा गरेका हुन् । १६ वर्षको उमेरमा आर्सनलको सिनियर टोलीमा डेब्यु गरेका विल्सेरले क्लबका लागि १९७ खेलमा १४ गोल गरेका छन् । उनले आर्सनलबाट दुईपटक एफए कप र कम्युनिटी शिल्ड जितेका छन् ।

‘यति धेरै अविश्वसनीय पलहरूले यात्रा भरिएको छ, मैले मेरो करियरमा सबै अनुभव गर्न पाए । म सौभाग्य महसुस गर्छु ।’ सन्यासको घोषणा गर्दै ज्याले भने, ‘बच्चादेखि बल हान्न जाने । आर्सनलको कप्तान बने । मैले विश्वकप पनि खेल्न पाए । मैले मेरो करिअरको हरेक क्षणको आनन्द उठाएको छु र यो जीवनभरको यात्रा हो ।’ अहिले यो अध्याय बन्द गर्ने सही समय हो, तर मैले अझै पनि खेल्न सक्थे । भविष्यमा के हुन्छ भनेर उत्साहिच छु ।’ ज्याकले थपे ।

आर्सनलपछि इंग्ल्यान्डका लागि ३४ क्याप ज्याकले वेस्टह्याम, बोल्टन, बर्नमाउथ र डेनिस क्लब एजिएफमा पनि व्यवसायिक खेल खेले । २०२१–२२ मा उनी एजिएफमा अनुबन्ध भएका थिए । उनले एजिएफमा १४ खेल खेले । २०२०–२१ मा चोटसँग जुधिरहेका उनी क्लबविहीन बन्दा अन्त्यमा च्याम्पियनसिप क्लब बर्नमाउथ पुगेका थिए ।

१६ वर्ष २५६ दिनको उमेरमा विल्सेरले सेप्टेम्वर २००८ मा ब्लयाकबर्नविरुद्ध मैदान उत्रदा उनी लिगमा डेब्यु गर्ने सबैभन्दा कान्छा खेलाडी बनेका थिए । ज्याकले २०१६ मा अन्तर्राष्ट्रिय खेलबाट सन्यासको घोषणा गरेका थिए ।