default_image

2 years ago

July 23, 2022

एल क्लासिको : रियलको सामना गर्न नयाँ बार्सिलोना तयार

एजेन्सी – प्रि-सिजनको मैत्रीपूर्ण खेलमा स्पेनिस फुटबलका दुई ठूला क्लब रियल म्याड्रिड र बार्सिलोना भिड्दैछन् । अमेरिकाको लास भेगासमा हुने यस खेललाई लास भेगास क्लासिको नाम दिइएको छ । अमेरिकामा शनिबार हुने खेल नेपाली समयअनुसार आइतबार विहान ८:४५ बजे हुनेछ । गत सिजन रियल म्याड्रिडले स्पेनिस लिग र युरोपेली च्याम्पियन्स लिग जित्दै निकै सफल सिजन […]

102 views

0 Bookmark

एजेन्सी – प्रि-सिजनको मैत्रीपूर्ण खेलमा स्पेनिस फुटबलका दुई ठूला क्लब रियल म्याड्रिड र बार्सिलोना भिड्दैछन् । अमेरिकाको लास भेगासमा हुने यस खेललाई लास भेगास क्लासिको नाम दिइएको छ । अमेरिकामा शनिबार हुने खेल नेपाली समयअनुसार आइतबार विहान ८:४५ बजे हुनेछ ।

गत सिजन रियल म्याड्रिडले स्पेनिस लिग र युरोपेली च्याम्पियन्स लिग जित्दै निकै सफल सिजन बिताउँदा बार्सिलोनाले क्लब इतिहासको खराब मध्यको सिजन देख्यो । रियल म्याड्रिडले कार्लो एन्चेलोटीलाई क्लबमा फिर्ता ल्याएपछि युवा र अनुभवी खेलाडीको सम्मिश्रणमा गजबको प्रदर्शन गर्यो । विशेषगरी च्याम्पियन्स लिगमा क्लबको पुनरागमन जितको सिलसिला प्रशंसनीय थियो ।

यता बार्सिलोनालाई भने स्टार खेलाडी लिओनेल मेस्सीको बहिर्गमनपछि क्लब सम्हालन निकै कठिन भयो । सिजनको बिचमा प्रशिक्षक रोनाल्ड कोम्यान बर्खास्त गर्दै पूर्व खेलाडी जाभी गुहार्ने अवस्था आयो । मैदान भित्र खराब प्रदर्शन गरेको बार्सिलोनाको मैदान बाहिर पनि उस्तै हालत रह्यो । क्लबका अध्यक्षलाई गिरफ्तार गर्नेसम्मको घटना देखा परे ।

तर बार्सिलोनाको मुहार अहिले फेरिएको छ । जोआन लापोर्टा क्लबमा फर्केपछि जाभीले टोलीलाई मैदान भित्र बलियो बनाएका छन् । कोभिडका कारण थालिएको आर्थिक स्थिति सुधार्न लापोर्टा लागेका छन् । एकातर्फ क्लब ऋणमा डुबेको छ, तर क्लबले खेलाडी अनुबन्धमा कुनै कसर छाडेको छैन । अझ युरोपेली फुटबलमा बार्सिलोना जस्तो खेलाडी अनुबन्धमा आक्रामक अन्य कमै टोली छन् ।

रियल म्याड्रिडले यस सिजन जम्मा २ नयाँ खेलाडी भित्र्याएको छ । सेन्टर डिफेन्डर एन्टोनियो रुडीगर र मिडफिल्डर ओरेलिएन चुआमेनीको रुपमा रियलले दुई फरक प्रक्रियामा खेलाडी ल्यायो । अनुभवी रुडीगर फ्री ट्रान्सफर तथा युवा चुआमेनी ८० मिलियन युरोमा अनुबन्धित भए ।

यता बार्सिलोनाले भने एकपछि अर्को खेलाडी अनुबन्ध गरेको छ । र यो क्रम अहिले रोकिने छाँटकाँट पनि देखिदैन । क्लबले फ्री ट्रान्सफरमा फ्रान्क केसी र आन्द्रिएस क्रिस्टेन्सन अनुबन्ध गर्यो । त्यसपछि आक्रमण बलियो पार्न राफिन्हा र रोबर्ट लेवान्डोस्की भित्र्यायो । अझैपनि क्लबले सेभियाका डिफेन्डर जुल्स कुन्डेसहित केहि खेलाडी पछ्याइरहेको छ ।

बार्सिलोनाले यसअघि अमेरिका टुरमा इन्टर मायमी फुटबल क्लबसँग मैत्रीपूर्ण खेल खेलिसकेको छ । उक्त खेलमा टोली ६-० को फराकिलो अन्तरले विजयी रहयो । राफिन्हाले उक्त खेलमा प्रभाव पनि जमाए । आज अर्का फरवार्ड लेवान्डोस्की त्यसलाई दोहोर्याउन चाहन्छन् ।

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.