काठमाडौं (हाम्रो खेलकुद)– भारतको महिला आइ लिग च्याम्पियन गोकुलम एफसीले एएफसी क्लब च्याम्पियनसिप खेल्न नपाएपछि राष्ट्रिय महिला टोलीकी फरवार्ड सावित्रा भण्डारी मंगलबार स्वदेश फर्कने भएकी छिन् ।

गोकुलम क्लब च्याम्पियनसिपमा भाग लिन उज्वेकिस्तान पुगेकी भोली पल्ट मंगलबार अखिल भारतीय फुटबल महासंघ (एआइएफएफ) माथि निलम्बन गरेपछि गोकुलम खेल्न नपाउने भएको हो । जसका कारण एएफसी क्लब च्याम्पियनसपि खेल्ने पहिलो नेपाली बन्ने अवसरबाट सावित्रा यसपटक बन्चित भएकी छन् ।

दुई साता अघि भारत पुगेकी सावित्रा सम्मलित गोकुलमले केरेला महिला लिगको पहिलो खेलमा ११–० को जित निकालेको थियो । जसमा सावित्राले ५ गोल गरेकी थिइन् । यसै महिना स्वदेशमा आयोजना हुने साफ च्याम्पियनसिपको ३५ खेलाडी भित्र रहेकी सावित्रा एएफसी क्लब च्याम्पियनसिप खेल्नकै लागि भारत गएकी थिइन् ।

सावित्रा सम्मिलित टोली आज राती उज्वेकिस्तानबाट भारत पुग्ने बताइएको छ । त्यस्तै आफू दिल्ली हुँदै काठमाडौं आइपुग्ने सावित्राले जानकारी दिएकी छन् । साफ दशरथ रंगशालामा भदौ २१ देखि असोज ३ गते सम्मका लागि तय छ । भारतले साफ खेल्न पाउने नपाउने पक्का भएपछि दक्षिण एसियाली फुटबल महासंघ (साफ) ले साफ च्याम्पियनसिपको खेल तालिकालाई मंगलबार अन्तिम रुप दिने बताइएको छ ।