default_image

2 years ago

September 1, 2022

सलाह चम्कँदा लिभरपुलको पूनरागमन जित

एजेन्सी – इजिप्टियन फरवार्ड मोहम्मद सलाह चम्कँदा इंग्लिस प्रिमियर लिगमा मर्सिसाइड क्लब लिभरपुलले पूनरागमन जित निकालेको छ । लिभरपुलले घरेलु मैदानमा पछि परेको स्थिति उल्ट्याएर न्यूक्यासल युनाइटेडमाथि २–१ को पूनरागमन जित हात पारेको हो । लिभरपुलको दुवै गोलमा मोहम्मद सलाहले असिस्ट प्रदान गरेका थिए । घरेलु मैदानमा लिभरपुलको पूनरागमन जितमा रोबर्टाे फिर्मिनो र फावियो कार्भाल्होले […]

92 views

0 Bookmark

एजेन्सी – इजिप्टियन फरवार्ड मोहम्मद सलाह चम्कँदा इंग्लिस प्रिमियर लिगमा मर्सिसाइड क्लब लिभरपुलले पूनरागमन जित निकालेको छ ।

लिभरपुलले घरेलु मैदानमा पछि परेको स्थिति उल्ट्याएर न्यूक्यासल युनाइटेडमाथि २–१ को पूनरागमन जित हात पारेको हो । लिभरपुलको दुवै गोलमा मोहम्मद सलाहले असिस्ट प्रदान गरेका थिए ।

घरेलु मैदानमा लिभरपुलको पूनरागमन जितमा रोबर्टाे फिर्मिनो र फावियो कार्भाल्होले गोल गरे । न्यूक्यासलका एलेक्सान्डर इसाकको गोल सान्त्वना बन्यो ।

एनफिल्डमा बुधबार राति भएको खेलको ३८औं मिनेटमा इसाकको गोलबाट घरेलु टोली लिभरपुल पहिलो हाफमा पछि परेको थियो । यसै समरमा स्पेनिस क्लब रियल सोसिडाडबाट न्यूक्यासल आएका इसाकले पहिलो खेलमै डेब्यु गोल गर्न सफल भएका हुन् ।

पहिलो हाफमा पछि परेको लिभरपुलले दोस्रो हाफमा सुधारिएको खेल पस्कदै न्यूक्यासललाई दवावमा राख्दै ६१औं मिनेटमा बराबरी गोल फर्काउन सफल भयो । फिर्मिनोले सलाहको पासमा गोल गर्न सफल भएका थिए ।

बराबरीतर्फ धकेलिएको खेलको इन्ज्युरी समयको थप गरिएको अन्तिम समयमा मोहम्मद सलाहकै पासमा फावियो कार्भाल्होले गोल गर्दै लिभरपुललाई पूनरागमन जितसहित महत्वपूर्ण ३ अंक दिलाए ।

यस जितसँगै लिभरपुल ५ खेलबाट ८ अंक जोडेर आठौं स्थानमा रहेको छ । लिभरपुल शीर्षस्थानको आर्सनलभन्दा ७ अंकले पछि छ । पराजित न्यूक्यासल ६ अंक जोडेर ११औं स्थानमा छ ।

अन्य नतिजा
लिड्सविरुद्ध एभर्टन (१–१), बर्नमाउथविरुद्ध वल्भ्स (०–०), आर्सनलविरुद्ध एस्टन भिल्ला (–१), म्यानचेस्टर सिटीविरुद्ध नटिङहम फरेस्ट (–०) र वेस्ट ह्यामविरुद्ध टोटेनहम (१–१)

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.