सातौं राष्ट्रिय खेलकुद

विराटनगर (हाम्रो खेलकुद)– नेपाली राष्ट्रिय टोलीका स्टार खेलाडी सम्मिलित पश्चिमाञ्चल सातौं राष्ट्रिय खेलकुदअन्तर्गत पुरुष फुटबलको पहिलो खेलमै पराजित भएको छ । राष्ट्रिय टोलीका कप्तान अनिल गुरुङ र युवा स्ट्राइकर बिमल घर्तिमगर सम्मिलित पश्चिमाञ्चललाई मध्यमाञ्चलले २–१ ले हरायो ।

धरानस्थित एन्फा टेक्निकल सेन्टरमा भएको समूह ‘क’ को उद्घाटन खेलमा नेपाल पुलिस क्लबले पूर्वाञ्चललाई २–१ ले हरायो । पुलिसका लागि सुमन लामा र बुद्ध लामाले गोल गरे पूर्वाञ्चलका लागि दीपक राईले गोल फर्काए । पहिलो हाफको १९ औं मिनेटमा सुमनले गोल गर्दै पुलिसलाई अग्रता दिलाए भने ३१ औं मिनेटमा बुद्धले दोस्रो गोल गरे । दोस्रो हाफको २४ औं मिनेटमा पुर्वाञ्चलका दिपकले फ्रि किकबाट गोल गरेका थिए ।

मध्यमाञ्चलका लागि निरबहादुर आले, रुमेश बर्तौला र श्याम बाबुले गोल गरे । दोस्रो हाफको १९ औं मिनेटमा निरबहादुरले मध्यमाञ्चलका लागि खाता खोले भने ३२ औं मिनेटमा रुमेशले गोलअन्तर दोब्बर पारे । ३९ औं मिनेटमा करिब ३० यार्डको दूरीबाट आकर्षक गोल गर्दै श्याम बाबुले मध्यमाञ्चलको जित अन्तर फराकिलो बनाए ।

शुक्रबार समूह ‘ख’ अन्तर्गत पहिलो खेल एपिएफ र मध्यपश्चिमाञ्चल तथा अर्को खेल आर्मी र सुदूरपश्चिमाञ्चलबीच प्रतिस्पर्धा हुनेछ । महिला फुटबल जस्तै पुरुष फुटबल पाँच विकास क्षेत्र र तीन विभागिय टोलीको सहभागिता रहेको छ ।