default_image

2 years ago

September 22, 2022

दुई कप्तान टोलीमै परेनन्

काठमाडौं (हाम्रो खेलकुद) – नेपाली राष्ट्रिय पुरुष फुटबल टोलीको पछिल्ला दुई कप्तान बंगलादेशविरुद्ध हुने अन्तर्राष्ट्रिय मैत्रीपूर्ण खेलका लागि घोषित टोलीमा परेका छैनन् । राष्ट्रिय टोलीले एएफसी एसियन कप छनोटको तेस्रो चरण अन्तर्गत कुवेतमा तीन खेल खेलेको थियो । उक्त खेलमा कुवेतविरुद्ध नवयुग श्रेष्ठ र इन्डोनेसियाविरुद्ध पुजन उपरकोटीले नेपाली टोलीको कप्तानी गरेका थिए । तर यसपटक […]

140 views

0 Bookmark

काठमाडौं (हाम्रो खेलकुद) – नेपाली राष्ट्रिय पुरुष फुटबल टोलीको पछिल्ला दुई कप्तान बंगलादेशविरुद्ध हुने अन्तर्राष्ट्रिय मैत्रीपूर्ण खेलका लागि घोषित टोलीमा परेका छैनन् ।

राष्ट्रिय टोलीले एएफसी एसियन कप छनोटको तेस्रो चरण अन्तर्गत कुवेतमा तीन खेल खेलेको थियो । उक्त खेलमा कुवेतविरुद्ध नवयुग श्रेष्ठ र इन्डोनेसियाविरुद्ध पुजन उपरकोटीले नेपाली टोलीको कप्तानी गरेका थिए । तर यसपटक मैत्रीपूर्ण खेलका लागि घोषित २३ सदस्यीय अन्तिम टोलीमा दुवै खेलाडी पर्न सकेनन् ।

हाल कार्यवाहक प्रशिक्षकको जिम्मेवारी पाएका प्रदीप हुमागाईंले पुजनलाई दोस्रो चरणको छनोटबाट नै बाहिर राखेका थिए । नेपालका लागि पछिल्लो ५ खेलमा सुरुवात गरेका पुजनले सन् २०२१ यता मिडफिल्डमा सबैभन्दा धेरै समय मैदानमा बिताएका छन् । तर कुनै चोटको समस्या नरहेका पुजनलाई प्रशिक्षक हुमागाईले ३० सदस्यीय टोलीमा नै राखेनन् ।

विहीबार २३ सदस्यीय अन्तिम टोली घोषणा गर्दा उनले अर्का कप्तान नवयुग श्रेष्ठलाई पनि टोलीबाट बाहिर राखे । उनले घोषणा गरेको टोलीमा नम्बर ९ फरवार्ड अर्थात् मुख्य फरवार्डको भूमिकामा खेल्ने विमल घर्तीमगर मात्र छन् । टोलीमा ४ गोलरक्षक समावेश गर्दा नवयुग अन्तिम टोलीमै पर्न सकेनन् । प्रशिक्षक हुमागाईले अन्तिम छनोटको रुपमा एपिएफविरुद्ध विहीबार विहान खेलिएको मैत्रीपूर्ण खेलमा नवयुगलाई अवसर नै दिएका थिएनन् ।

हुमागाईले ३० सदस्यीय टोलीबाट नवयुगसँगै सुनिल बल, आवास लामिछाने, संजोक राई, अभिषेक रिजाल, भरत खवास र आयुष घलान अन्तिम टोलीमा समेटेनन् । अभिषेक, भरत, संजोक र नवयुग सबैले क्लब फुटबलमा नम्बर ९ को भूमिका निर्वाह गर्दै आएका छन् । ३० जनामा ५ फरवार्ड राखेका हुमागाईले अन्तिम टोलीमा भने १ फरवार्ड मात्र समावेश गरेका छन् ।

हुमागाईले प्रशिक्षणका दौरान किरणबाहेकका तीनै गोलरक्षक एकै समय बाहिर हुँदा ४ गोलरक्षक अन्तिम टोलीमा राखेको बताए । उनले चोटका कारण जोखिम लिन नसकेको बताए । किरण खेलका लागि आउने पक्काजस्तै भएको उनको भनाइ थियो ।

खेलाडी र प्रशिक्षक अब्दुल्लाह अलमुताइरी विवादपछि नवयुग र पुजनलाई पूर्व प्रशिक्षक अलमुताइरीले एसियन कप छनोटमा कप्तानीको जिम्मेवारी दिएका थिए । विवादलाई नै मध्यनजर गर्दै टोली छनोट भएको हो भन्ने प्रश्नमा प्रशिक्षक हुमागाईले आफूलाई विवादबारे केही थाहा नभएको बताए ।

‘मलाई थाहा नै भएन । पहिला के-के भएको थियो । प्रशिक्षणको दौरान पहिला के भयो भन्ने कुराले खासै असर गर्दैन,’ उनले भने ।

‘पहिला विवाद भएका ११ खेलाडी को हुन् भन्ने थाहा छैन । को थियो को थिएन भन्ने मलाई थाहा छैन । अहिले मलाई को पर्यो र को परेन भन्दापनि समग्रमा टिममा खेलाडी एक समान छन् । मलाई अहिले को ११ मा पर्छ भन्ने कुनै दबाब छैन । त्यो विषय नै थाहा छैन,’ हुमागाईले थपे ।

प्रशिक्षक हुमागाईसँग टोली घोषणा

बंगलादेश विरुद्ध खेलका लागि २३ सदस्यीय टोली :

गोलरक्षक: किरण चेम्जोङ, विशाल श्रेष्ठ, दीप कार्की, विकेश कुथु

डिफेण्डर: रोहित चन्द, अनन्त तामाङ, विकास तामाङ, विकास खवास, दीनेश राजवंशी, सुमन अर्याल, रन्जित धिमाल

मिडफिल्डर: सुदिप गुरुङ, तेज तामाङ, सेसेहाङ आङदम्बे, विशाल राई, सुजल श्रेष्ठ, सुरज ज्यु ठकुरी, एरिक विष्ट

फरवार्ड: विमल घर्ती मगर, अन्जन विष्ट, ऋतिक खड्का, मनिष डाँगी र आशिष चौधरी

यो पनि हेर्नुहोस :

April 21, 2024

आर्सनल शीर्षस्थानमा

एजेन्सी – घरेलु टोली वल्भ्समाथि २–० काे सहज जित हात पार्दै लन्डन क्लब आर्सनल इंग्लिस प्रिमियर लिगको शीर्षस्थानमा उक्लिएको छ । आर्सनलले एक खेल कम खेलेको म्यानचेस्टर सिटी र लिभरपुललाई पछि पार्दै शीर्षस्थानमा उक्लन सफल भएको हो ।वल्भरह्याम्टनमा शनिबार राति भएको खेलमा आर्सनललाई जिताउन लियान्द्रो ट्रोससार्ड र मार्टिन ओडेगार्डले गोल गरे । पहिलो र दोस्रो […]

April 21, 2024

म्यानचेस्टर सिटी एफए कपको फाइनलमा

एजेन्सी – चेल्सीलाई हराउँदै साविक विजेता म्यानचेस्टर सिटी एफए कपको फाइनलमा प्रवेश गरेको छ । सिटीले शनिबार चेल्सी माथि १-० को झिनो जित निकाल्दै उपाधि भिडन्त पक्का गरेको हो । सिटीको जितमा बर्नार्डो सिल्भाले खेलको ८४औं मिनेटमा गरेको गोल नै निर्णायक बन्यो । केभिन डी ब्रुइनले बक्स भित्रबाट नै गरेको क्रस चेल्सी गोलरक्षक जोर्डजे पेट्रोभिचले […]

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

Success

Thank you for your time.