2 years ago
September 29, 2022
काठमाडौं (हाम्रो खेलकुद)– उपाधि जित्ने लक्ष्यसहित बागमती प्रदेशले नवौं राष्ट्रिय खेलकुदका लागि बलियो टोली तयार पारिरहेको छ । आफ्ना प्रदेशमा रहेका नेपाली राष्ट्रिय तथा उमेर समूहबाट खेलिसकेका खेलाडी समेट्दै बागमतीले प्रशिक्षण गरिरहेको छ । अन्जन विष्टसहित राष्ट्रिय फुटबल टोली विशाल श्रेष्ठ, तेज तामाङ, एरिक विष्ट, सुरजज्यू ठकुरीलगायत सिनियर र जुनियर खेलाडी समेटेर बागमतीले टोली तयार […]
काठमाडौं (हाम्रो खेलकुद)– उपाधि जित्ने लक्ष्यसहित बागमती प्रदेशले नवौं राष्ट्रिय खेलकुदका लागि बलियो टोली तयार पारिरहेको छ । आफ्ना प्रदेशमा रहेका नेपाली राष्ट्रिय तथा उमेर समूहबाट खेलिसकेका खेलाडी समेट्दै बागमतीले प्रशिक्षण गरिरहेको छ ।
अन्जन विष्टसहित राष्ट्रिय फुटबल टोली विशाल श्रेष्ठ, तेज तामाङ, एरिक विष्ट, सुरजज्यू ठकुरीलगायत सिनियर र जुनियर खेलाडी समेटेर बागमतीले टोली तयार पारेको छ । समकालिनमा सफल प्रशिक्षक बालगोपाल महर्जन मुख्य तथा मृगेन्द्र मिश्र र राष्ट्रिय टोलीका पूर्व कप्तान राकेश श्रेष्ठ प्रशिक्षक रहेको टोलीले बागमतीको टोलीलाई प्रशिक्षण दिइरहेको छ ।
राष्ट्रिय टोलीका पूर्व कप्तान विराज महर्जनसहित विक्रम लामा, सुनिल बल, अभिषेक रिजाल, गौतम श्रेष्ठ, राजेश परियारसहितका खेलाडी बागमतीको टोलीमा रहेका छन् । अखिल नेपाल फुटबल संघ (एन्फा) को फुटबल सिजन सुरु भइनसकेका कारण पनि खेलाडीहरुले सम्बन्धित प्रदेशबाट खेल्ने मौका पाएका छन् । बंगलादेशविरुद्ध मंगलबारको मैत्रीपूर्ण खेलमा ह्याट्रिक गरेका अन्जनले दोस्रो पटक राष्ट्रिय खेलकुद खेल्दैछन् । उनले यसअघि सातौं राष्ट्रिय खेलकुद एपिएफबाट खेलेका थिए । उनले एपिएफलाई च्याम्पियन बनाउन फाइनलमा गोल गरेका थिए ।
सिनियर खेलाडी विक्रम लामा पहिलो पटक राष्ट्रिय खेलकुद खेल्ने तयारीमा छन् । ढाडको समस्याका कारण गत वर्ष ए डिभिजन लिगको बीचबाटै खेल्न छाडेका विक्रम पूनरागमनलाई लिएर उत्साहित छन् । ‘अहिले ठिक पनि भए । फुटबल सिजन पनि अहिले छैन । आफ्नो प्रदेशले सहभागि हुने राष्ट्रिय खेलकुदमा भाग लिने प्रस्ताव आएपछि यो मौकालाई सदुपयोग गरेका हौं,’ उनले भने,‘ एउटा नयाँ अनुभवका लागि पनि हामी सबै खेल्ने सोचाईमा पुगेका हौं ।’
नवौं राष्ट्रिय खेलकुदमा स्वर्ण पदक जित्ने आफ्ना खेलाडीलाई बागमती प्रदेश खेलकुद विकास बोर्डले दसौं राष्ट्रिय खेलकुद अघि सम्म मासिक ६ हजार रुपैयाँ भत्ता उपलब्ध गराउने निर्णयले पनि खेलाडीलाईहरुर्लाइ उत्साहित बनाएको छ । ‘त्यो पनि आकर्षणको एउटा कारण पक्कै हो,’ विक्रमले भने,‘ यो राम्रो सुरुवात हो । यसले आफ्नो प्रदेशबाट पनि खेल्नुपर्छ भन्नका लागि मोटिभेट पक्कै गर्छ नै ।’
उमेर समूहदेखि राष्ट्रिय टोली, ए डिभिजन देखि एनएसएल टोली सम्मको जिम्मेवारी सम्हालिसहेका प्रशिक्षक महर्जनले दोस्रो पटक प्रदेशको टोलीको जिम्मेवारी सम्हालेका छन् । ‘प्रदेश खेलकुदका सदस्य सचिव सूर्य भण्डारीलेले राम्रो टोली लिएर उपाधि जित्ने लक्ष्य राखेर तयारी गर्ने भन्दै प्रस्ताव गरेपछि मैले स्वीकार गरेको हु,’ उनले भने,‘आफ्नो प्रदेशले सहभागिता जनाउँदा त्यसको हिस्सा हुनु खुसीको विषय हो ।’
यद्दपी प्रदेश टोलीले फुटबलको व्यवसायिकतालाई आत्मसात गर्न भने समय लाग्ने महर्जनले अनुमान गरे । ‘व्यवस्थापन गर्न सहज छैन । प्रदेशलाई पनि त्यसमा कठिनाई पक्कै छ,’ उनले भने,‘ यसबाट विस्तारै सिक्दै जानुपर्छ । प्रदेशले पनि फुटबलमा बलियो टोली बनाउने पहल थाल्नु सकारात्मक पक्ष हो ।’
अहिले प्रशिक्षणमा २३ खेलाडी रहेको र २० सदस्यीय अन्तिम टोलीको छनोट गरिने महर्जनले जानकारी दिए । ए डिभजनमा समेत रहेका तीन विभाग सेना, प्रहरी र शसस्त्र प्रहरी बलको टोलीले पनि राष्ट्रिय खेलकुदमा भाग लिनेछन् । फुटबलसहित ३६ खेल समावेश नवौं राष्ट्रिय खेलकुद असोज २८ देखि कात्तिक ३ गते सम्म गण्डकी प्रदेशमा आयोजना हुँदैछ । ७ प्रदेश, ३ विभाग र एनआरएनएको गरि ११ टोलीले राष्ट्रिय खेलकुदमा भाग लिनेछन् ।
बागमती प्रदेशको फुटबल टोली
गोलकिपर – विशाल श्रेष्ठ (सिन्धुपाल्चोक), पुजन होना (भक्तपुर), इश्वर गुरुङ (धादिङ)
रक्षक – विराज महर्जन (काठमाडौं), अषिम भुसाल (ललितपुर), अमित तामाङ (ललितपुर), सरोज दहाल (भक्तपुर), गौतम श्रेष्ठ (सिन्धुपाल्चोक), सुरज ज्यू ठकुरी (काभ्रे), विक्रम लामा (काभ्रे), अमृत श्रेष्ठ (चितवन), बसन्त तामाङ (ललितपुर),
मिडफिल्ड – तेज तामाङ (काभ्रे), सुनिल बल (मकवानपुर), राजिव लोप्चन (काठमाडौं), एरिक विष्ट (काठमाडौं), क्रितिषरत्न छन्जु (भक्तपुर),रोहित गिरी (ललितपुर)
फरवार्ड – अन्जन विष्ट (मकवानपुर), राजेश परियार (चितवन), अभिषेक रिजाल (नुवाकोट), सरेश कुमाल (चितवन),
निकेश कार्की रोहित गिरी
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]