एजेन्सी – स्पेनिस ला लिगामा शत प्रतिशत जित निकालेको रियल म्याड्रिडले घरेलु मैदानमा ओसासुनाको आतिथ्यता गर्दै छ ।

खेल सान्टियागो बर्नबेउमा नेपाली समयअनुसार राति १२ः४५ बजेपछि हुनेछ । घरेलु मैदानमा हुने खेलमा रियल ओसासुनालाई हराउँदै शीर्षस्थानमा उक्लने लक्ष्यमा मैदानमा उत्रनेछ ।

६ खेलमा सबैमा जित निकालेको रियल १८ अंक जोडेर दोस्रो स्थानमा रहेको छ । एक खेल बढी खेलेको बार्सिलोनाको १९ अंक छ । चोटबाट पूनरागमन गर्दै कप्तान करिम बेन्जेमा टोलीमा फर्किएका छन् ।

भिनिसियस जुनियर, रोड्रिगो, टोनी क्रुस, ओरेलिएन चुआमेनी, फेडे भाल्भेर्डे, इडुआर्डाे कामाभिंगा, फर्लान्ड मेन्डी, एन्टेनियो रुडिगर, इडर मिलिसाओ, ड्यानी कार्भाजल र गोलरक्षक थिवाउट कोर्टुवा टोलीमा रहेका छन् ।

यसबाहेक इडेन हाजार्ड, मार्काे एसेन्सियो, डेभिड अलाबा र ड्यानियल सेवालोस रहेका छन् । चोटका कारण लुका मोड्रिच टोलीमा हुनेछैनन् ।

यता, ओसासुना पनि घरेलु टोलीलाई स्तब्ध पार्दै अंक तालिका सुधार गर्ने लक्ष्यमा हुनेछ । टोलीसँग बुदिमिर, गार्सिया, टोरो, गोमेज, सान्चेज, क्रुज, गार्सिया, पेना र गोलरक्षक हेरेरा रहेका छन् ।

यि दुई टोलीबीचको पछिल्लो १८ भेटमा रियल १३ खेलमा विजयी भएको छ । ४ खेल बराबरीमा सकिदा एक खेल ओसासुनाले आफ्नो पक्षमा पारेको छ ।