काठमाडौं (हाम्रो खेलकुद) – एएफसी यू १७ एसियन कप छनोटको अन्तिम खेलमा पनि नेपाल पराजित भएको छ । भियतनाममा आइतबार भएको समूह चरणको आफ्नो अन्तिम खेलमा नेपाल चाइनिज ताइपेसँग ४–२ ले पराजित भएको थियो ।

१० खेलाडीमा सिमित नेपाल अन्तिम १० मिनेटमा २ गोलको सामना गर्दै पराजित भएको थियो । चाइनिज ताइपेका लागि लिन हाइ चिङले २, ताइ यान याउ र लु थिङले गोल गरेका थिए । नेपालका लागि कप्तान प्रशान्त लक्षम र धन सिंह विकले गोल फर्काएका थिए । चिङले तेस्रो मिनेटमा गोल गर्दै चाइनिज ताइपेलाई अघि बढाए ।

प्रशान्त लक्षमले १० औं मिनेटमा बराबरी गोल फर्काएका थिए । रिबाउन्डमा प्राप्त बलमा उनले गोल गरेका हुन् । छनोटमा नेपालको यो पहिलो गोल हो । २८ औं मिनेटमा कर्नरमा आएको बललाई याउले हेडमार्फत गोल गर्दा चाइनिज ताइपे पहिलो हाफमा २–१ ले अगाडि बरोका थिए । ६१ औं मिनेटमा धनसिंहले बराबरी गोल फर्काएका थिए ।

एउटा गल्ति नेपाल नेपालका महंगो साबित भयो । विपक्षी खेलाडीलाई फाउल हानेका कारण दीपक थापा मगर दोहोरो पहेलो कार्डपछि रातो कार्डको सामना गर्दै मैदान छाड्नु परेको थियो । त्यहि फाउलमा प्राप्त फ्रिकिकमा थिङले गोल गर्दा ताइपे ३–१ ले अघि बढेका थिए ।

अन्तिम मिनेटमा चिङले अर्को गोल गर्दै टोलीको जित जितलाई निश्चित पारे । गोलकिपर क्रिशल मोक्तानको ठाँउमा ८६ औं मिनेटमा अर्का गोलकिपर समिर चन्दलाई उतारेका थिए । अन्तिम गोलको सामना समिरले गरेका थिए ।

६४ औं मिनेटमा नेपालले अग्रता लिनबाट चुकेको थियो । कप्तान प्रशान्तले झण्डै ३० यार्डबाट शसक्त प्रहार बारमा लागेको थियो । त्यसको रिबाउन्डमा सिजल राईले गोल गर्न सकेनन् ।

यसअघि नेपाल पहिलो खेलमा थाइल्यान्डसँग ३–० र आयोजक भियतनामसँग ५–० ले पराजित भएको थियो । समूह एफको छनोट चरणबाटै बाहिरि सकेका नेपाल र चाइनिज ताइपेबीचको यो खेललाई प्रतिष्ठाको लडाईका रुपमा हेरिएको छ। भियतनाम र थाइल्यान्डबीच समूह विजेताका लागि प्रतिस्पर्धा हुनेछ ।