2 years ago
October 17, 2022
पोखरा (हाम्रो खेलकुद) – राष्ट्रिय खेलाडीले भरिपूर्ण बागमती प्रदेश नवौं राष्ट्रिय खेलकुद अन्तर्गत पुरुष फुटबलको समूह चरणबाट नै बाहिरिएको छ ।
नेपाल एपिएफ क्लबसँग समूह ‘बी’ को अन्तिम खेलमा पराजित भएपछि बागमती सेमिफाइनलमा प्रवेश गर्न सकेन । गोस्टेघाट फुटबल मैदानमा एपिएफले ३-१ को जित दर्ता गर्दै अन्तिम चारमा स्थान पक्का गर्यो । एपिएफको जितमा नवीन लामाले २ तथा प्रदीप लामाले १ गोल गरे ।
बागमतीले सुरुवाती अग्रता लिएपनि त्यसलाई जोगाउन नसक्दा समूह चरणबाट घर फर्कनु पर्यो । पहिलो हाफको इन्ज्युरी समयमा अभिषेक रिजालले गोल गर्दै बागमतीलाई अग्रता दिलाए । दोस्रो हाफमा एपिएफले ३ गोल फर्काउँदै जित हासिल गर्यो । प्रदीप लामाले गोल गर्दै एपीएफलाई खेलमा फर्काए । त्यसपछि नवीन लामाले गोल गर्दै एपीएफलाई अग्रता दिलाए । इन्ज्युरी समयमा गोल थप्दै जित सुनिश्चित गरे ।
पुरुष फुटबलमा अब सेमिफाइनल समिकरण पूरा भएको छ । समूह बी को विजेता एपिएफले समूह डी को विजेता सुदूरपश्चिमसँग खेल्नेछ । त्यस्तै अर्को सेमिफाइनलमा समूह ए को विजेता गण्डकी र समूह सी को विजेता त्रिभुवन आर्मी क्लबले खेल्नेछ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]
