default_image

2 years ago

October 21, 2022

जेरार्ड बर्खास्त

एजेन्सी – इंग्लिस क्लब एस्टन भिल्लाले आफ्ना मुख्य प्रशिक्षक स्टेभन जेरार्डलाई बर्खास्त गरेको छ । प्रिमियर लिगमा बिहीबार राति फुलहमसँग ३–० ले पराजित भएसँगै भिल्लाले जेरार्डलाई बर्खात गरेको छ । प्रिमियर लिगमा यो सिजन भिल्लाले निकै कमजोर प्रदर्शन गरेपछि क्लबले उनलाई बर्खास्ती गर्नेबारे योजना बनाइसकेको थियो । जेरार्डलाई बर्खास्त गरेपछि क्लबका प्रवक्ताले स्टेभनको कडा परिश्रम […]

131 views

0 Bookmark

एजेन्सी – इंग्लिस क्लब एस्टन भिल्लाले आफ्ना मुख्य प्रशिक्षक स्टेभन जेरार्डलाई बर्खास्त गरेको छ । प्रिमियर लिगमा बिहीबार राति फुलहमसँग ३–० ले पराजित भएसँगै भिल्लाले जेरार्डलाई बर्खात गरेको छ ।

प्रिमियर लिगमा यो सिजन भिल्लाले निकै कमजोर प्रदर्शन गरेपछि क्लबले उनलाई बर्खास्ती गर्नेबारे योजना बनाइसकेको थियो ।

जेरार्डलाई बर्खास्त गरेपछि क्लबका प्रवक्ताले स्टेभनको कडा परिश्रम र प्रतिबद्धताको लागि धन्यवाद व्यक्त गरेका छन् ।
भिल्लाले यो सिजन ११ खेल खेल्दा दुई जित, तीन बराबरी र ६ हार बेहोर्दै ९ अंक जोडेर रेलिगेसन जोनभन्दा एक स्थान मात्रै माथि छ ।

जेरार्ड ११ महिनाअघि अर्थात २०२१ मा रेन्जर्स छाड्दै भिल्लाको मुख्य प्रशिक्षक बनेका थिए । तर, पुर्व इंग्ल्यान्ड र लिभरपुलका ४२ वर्षे मिडफिल्डरको प्रशिक्षणमा भिल्लाले यो अवधिमा ४० खेल खेल्दा केवल १३ खेलमा मात्रै जित निकाल्न सक्यो ।

फुलहमसँगको हारसँगै जेरार्डले यो हार महँगो परेको र हामी त्यही स्थितिमा पुगेको बताएका थिए । ‘फुलहमसँगको हार हामीलाई महँगो परेको छ । हामी आँफैलाई त्यही स्थितिमा पाएका छौं । मैले त्यस्तै स्थितिमा जिम्मा लिए । हामी टोलीलाई माथि लैजान प्रयास गर्नेछौं ।’ जेरार्डले भने । ‘म लडाकु हुँ । यो मेरो डिएनएमा छ, म लडिरहनेछु ।’

यो भनेको केही समयपछि उनी बर्खास्तीमा परेका हुन् । जेरार्ड बर्खास्तीमा पर्नुअघि टोलीका कप्तान जोन म्याकजिनले फुलहमसँगको हार लाजमर्दाे रहेको बताएका थिए ।

लिभरपुलका लागि ७१० पटक खेलेका जेरार्डले २०१८ मा रेन्जर्ससँग सिनियर व्यवस्थापनमा आफ्नो पहिलो कदम चालेका थिए । १० वर्षमा क्लबलाई पहिलोपटक स्कटिश प्रिमियरसिप उपाधि दिलाएका थिए ।

त्यसअघि, उनले २०१७–१८ सिजनमा अन्डर–१८ टोलीको प्रशिक्षक हुनुअघि लिभरपुलको एकेडेमीमा प्रशिक्षक बनेका थिए । हालै दबाबमा रहेका लेस्टरका प्रशिक्षक ब्रेन्डन रोजर्सले लिभरपुलमा जेरार्डलाई व्यवस्थापन गरेका थिए ।

‘म स्टेभनको लागि एकदमै निराश छु, उसले रेन्जर्समा उत्कृष्ट काम ग¥यो । भिल्लाको महत्वाकांक्षाहरू युरोपका लागि चुनौतीपूर्ण हुनेछन् ।’ रोजर्सले भने । “प्रत्येक दिन प्रशिक्षकले आफ्नो पद गुमाएका वा उनीहरूको जागिर खतरामा परेको देखिन्छ । मलाई लाग्छ स्थिरता र धैर्यता समाप्त हुँदैछ । मलाई विश्वास छ कि समय र धैर्यताका साथ उसले त्यो फुटबल क्लब जान चाहेको ठाउँमा पुग्न सक्छ ।’

April 21, 2024

आर्सनल शीर्षस्थानमा

एजेन्सी – घरेलु टोली वल्भ्समाथि २–० काे सहज जित हात पार्दै लन्डन क्लब आर्सनल इंग्लिस प्रिमियर लिगको शीर्षस्थानमा उक्लिएको छ । आर्सनलले एक खेल कम खेलेको म्यानचेस्टर सिटी र लिभरपुललाई पछि पार्दै शीर्षस्थानमा उक्लन सफल भएको हो ।वल्भरह्याम्टनमा शनिबार राति भएको खेलमा आर्सनललाई जिताउन लियान्द्रो ट्रोससार्ड र मार्टिन ओडेगार्डले गोल गरे । पहिलो र दोस्रो […]

April 21, 2024

म्यानचेस्टर सिटी एफए कपको फाइनलमा

एजेन्सी – चेल्सीलाई हराउँदै साविक विजेता म्यानचेस्टर सिटी एफए कपको फाइनलमा प्रवेश गरेको छ । सिटीले शनिबार चेल्सी माथि १-० को झिनो जित निकाल्दै उपाधि भिडन्त पक्का गरेको हो । सिटीको जितमा बर्नार्डो सिल्भाले खेलको ८४औं मिनेटमा गरेको गोल नै निर्णायक बन्यो । केभिन डी ब्रुइनले बक्स भित्रबाट नै गरेको क्रस चेल्सी गोलरक्षक जोर्डजे पेट्रोभिचले […]

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

Success

Thank you for your time.