default_image

1 year ago

October 24, 2022

भारानले विश्वकप गुमाउने सम्भावना

एजेन्सी – म्यानचेस्टर युनाइटेडका फ्रान्सेली डिफेन्डर राफाएल भारानले फिफा विश्वकप २०२२ कतार गुमाउने सम्भावना बढेको छ । विश्वकप सुरु हुन एक महिना पनि बाँकी नरहेको अवस्थामा भारानले चोट बोकेका हुन् । चेल्सीविरुद्ध शनिबार भएको खेलका दौरान भारानको खुट्टामा चोट लागेको हो । पिएर एमेरिक औबामेयाङलाई ट्याकल गर्ने प्रयासमा भारानले चोट बोक्न पुगेका थिए । उनलाई […]

64 views

0 Bookmark

एजेन्सी – म्यानचेस्टर युनाइटेडका फ्रान्सेली डिफेन्डर राफाएल भारानले फिफा विश्वकप २०२२ कतार गुमाउने सम्भावना बढेको छ । विश्वकप सुरु हुन एक महिना पनि बाँकी नरहेको अवस्थामा भारानले चोट बोकेका हुन् ।

चेल्सीविरुद्ध शनिबार भएको खेलका दौरान भारानको खुट्टामा चोट लागेको हो । पिएर एमेरिक औबामेयाङलाई ट्याकल गर्ने प्रयासमा भारानले चोट बोक्न पुगेका थिए । उनलाई त्यसपछि तुरुन्तै मैदानबाहिर लागिएको थियो । भारानले स्ट्रेचरमा मैदान छोड्न मानेका थिएनन् । तर स्वास्थ्यकर्मीको सहायतामा मैदान छाड्ने क्रममा उनी निकै भावुक देखिएका थिए ।

प्रशिक्षक एरिक टेन हागले भारानको चोटको अवस्थाबारे अहिले केहि भन्न नसकिने बताए । ‘हामीले २४ घण्टा हेरेपछि केहि भन्न सक्छौं । उनी भावुक भएको देखेर पनि हामी अनुमान लगाउन सक्छौं, तर उनले पनि अब परिक्षणको नतिजा कुर्नुपर्छ,’ टेन हागले भने ।

‘भारान अनुभवी छन् र अब स्वास्थ्यकर्मी टोलीले यसको विस्तृत अध्ययन गर्नेछन् । अब उनलाई सहि उपचार गरेर भविष्यबारे हेर्नुपर्छ,’ उनले थपे । उनको प्रारम्भिक परिक्षणले चोट निकै खराब नरहेको बुझिएको छ । तर उनलाई ४ साता ठिक हुन लाग्ने भएको छ । उनले विश्वकपअघि युनाइटेडबाट नखेल्ने पक्का भएको छ ।

सन् २०२१ को समर ट्रान्सफर विन्डोमा युनाइटेड आएका भारान पछिल्लो समय चोटका कारण नियमित खेल्न सकेका थिएनन् । सिजनको सुरुवातमा पनि सामान्य चोट बोकेका उनी पछिल्लो समय उच्च लयमा थिए । उनी र लिसान्द्रो मार्टिनेजको जोडीले युनाइटेडको डिफेन्स सम्हाल्दै आएको थियो ।

सन् २०१८ मा फ्रान्सले विश्वकप जित्दा टोलीको महत्त्वपूर्ण सदस्य रहेका भारान यसपटक पनि सुरुवाती रोजाइमा खेल्ने अपेक्षा रहेको थियो । अब उनको चोटको अवस्थाले ने विश्वकप भविष्य निर्धारण हुनेछ ।

फिफा विश्वकपमा फ्रान्स समूह डी मा छ । फ्रान्सको समूहमा डेनमार्क, अष्ट्रेलिया र ट्युनिसिया रहेका छन् । नोभेम्बर २० मा सुरु हुने विश्वकपमा फ्रान्सले पहिलो खेल २२ नोभेम्बरमा अष्ट्रेलियासँग खेल्नेछ ।

April 21, 2024

आर्सनल शीर्षस्थानमा

एजेन्सी – घरेलु टोली वल्भ्समाथि २–० काे सहज जित हात पार्दै लन्डन क्लब आर्सनल इंग्लिस प्रिमियर लिगको शीर्षस्थानमा उक्लिएको छ । आर्सनलले एक खेल कम खेलेको म्यानचेस्टर सिटी र लिभरपुललाई पछि पार्दै शीर्षस्थानमा उक्लन सफल भएको हो ।वल्भरह्याम्टनमा शनिबार राति भएको खेलमा आर्सनललाई जिताउन लियान्द्रो ट्रोससार्ड र मार्टिन ओडेगार्डले गोल गरे । पहिलो र दोस्रो […]

April 21, 2024

म्यानचेस्टर सिटी एफए कपको फाइनलमा

एजेन्सी – चेल्सीलाई हराउँदै साविक विजेता म्यानचेस्टर सिटी एफए कपको फाइनलमा प्रवेश गरेको छ । सिटीले शनिबार चेल्सी माथि १-० को झिनो जित निकाल्दै उपाधि भिडन्त पक्का गरेको हो । सिटीको जितमा बर्नार्डो सिल्भाले खेलको ८४औं मिनेटमा गरेको गोल नै निर्णायक बन्यो । केभिन डी ब्रुइनले बक्स भित्रबाट नै गरेको क्रस चेल्सी गोलरक्षक जोर्डजे पेट्रोभिचले […]

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

Success

Thank you for your time.