default_image

1 year ago

October 25, 2022

क्यारिक प्रशिक्षकमा नियुक्त

एजेन्सी – इंग्ल्यान्डको राष्ट्रिय टोली र म्यानचेस्टर युनाइटेडका पूर्व मिडफिल्डर माइकल क्यारिक पहिलो पटक मुख्य प्रशिक्षकमा नियुक्त भएका छन् । उनलाई दोस्रो श्रेणीको क्लब मिडल्सब्रोले प्रशिक्षक पदमा नियुक्त गरेको हो । म्यानचेस्टर युनाइटेडले गत सिजन ओले गुनार सोल्साएरलाई बर्खास्त गरेपछि तीन खेलका लागि कार्यवाहक प्रशिक्षक बनेका क्यारिक त्यसयता जिम्मेवारीमा थिएनन् । उनले सन् २०१८ मा […]

75 views

0 Bookmark

एजेन्सी – इंग्ल्यान्डको राष्ट्रिय टोली र म्यानचेस्टर युनाइटेडका पूर्व मिडफिल्डर माइकल क्यारिक पहिलो पटक मुख्य प्रशिक्षकमा नियुक्त भएका छन् । उनलाई दोस्रो श्रेणीको क्लब मिडल्सब्रोले प्रशिक्षक पदमा नियुक्त गरेको हो ।

म्यानचेस्टर युनाइटेडले गत सिजन ओले गुनार सोल्साएरलाई बर्खास्त गरेपछि तीन खेलका लागि कार्यवाहक प्रशिक्षक बनेका क्यारिक त्यसयता जिम्मेवारीमा थिएनन् । उनले सन् २०१८ मा खेल जीवनबाट सन्न्यास लिएपछि प्रशिक्षणमा लागेका थिए । उनले युनाइटेडमा जोसे मोउरिन्होको नेतृत्वमा केहि समय काम गरेका थिए ।

मोउरिन्होको बर्खास्तीपछि क्यारिक सोल्साएरको प्रशिक्षण टोलीमा भने झन्डै तीन वर्ष साथमा रहे । सोल्साएर पदमुक्त भएपछि क्यारिकले तीन खेलमा कार्यवाहकको जिम्मेवारी सम्हालेका थिए । त्यसबेला उनले च्याम्पियन्स लिगमा भिल्लारियल र प्रिमियर लिगमा आर्सनलविरुद्ध जित दिलाएका थिए । त्यसबीचमा चेल्सीविरुद्ध खेल भने बराबरीमा सकिएको थियो ।

४१ वर्षीय क्यारिकले क्रिस वाइल्डर बर्खास्त भएपछि पूर्णकालिन प्रशिक्षकको जिम्मेवारी पाएका हुन् । जारी सिजन ११ खेलमा २ जित मात्र हात पारेपछि क्लबले वाइल्डरलाई बर्खास्त गरेको थियो । त्यसपछि क्लबले लिओ पेर्कोभिचलाई कार्यवाहकको जिम्मेवारी सुम्पिएको थियो । उनले ५ खेलमा ७ अंक दिलाए ।

क्यारिकले विश्वकपअघि ५ खेलमा टोलीको नेतृत्व गर्नेछन् । क्लब हाल रेलिगेसन क्षेत्रबाट १ अंक र १ स्थान माथि छ । उनलाई क्लबकै पूर्व प्रशिक्षक जोनाथन वुडगेटले सहायकको भूमिकामा रहेर सघाउनेछन् ।

क्यारिकले खेल जीवनमा युनाइटेडसँगै वेस्ट ह्याम र टोटेनहमका लागि खेले । १२ वर्ष प्रिमियर लिगमा खेलेका उनले ४ सय ६३ खेल खेले । उनले १७ उपाधि जितेका थिए । सन् २००६ र २०१० को विश्वकप खेलेका उनले इंग्ल्यान्डका लागि ३४ खेल खेले ।

April 14, 2024

इंग्ल्यान्ड ‘सी’ सँग खेल्ने प्रारम्भिक टोलीमा २८ खेलाडी

काठमाडौ ( हाम्रो खेलकुद)- इंग्ल्यान्ड ‘सी’ विरुद्ध हुने मैत्रीपूर्ण खेलका लागि प्रारम्भिक टोलीको घोषणा भएको‌ छ। नेपाली राष्ट्रिय टोलीका मुख्य प्रशिक्षक भिन्सेन्जो अल्बर्टो एनिसले आइतबार २८ सदस्यीय प्रारम्भिक टोली घोषणा गरेको अखिल नेपाल फुटबल संघ (एन्फा) ले सामाजिक सन्जाल मार्फत जानकारी दिएको छ। अल्डरसट टाउन एफसीको रंगशाला इबिबीमा वैशाख २४ गते बीच मैत्रीपूर्ण फुटबल हुनेछ।  […]

April 14, 2024

क्यासी स्पोर्टसलाई यु १३ फुटबल उपाधि

गोरखा (हाम्रो खेलकुद)- क्यासी स्पोर्टस् एकेडेमी यु-१३ राष्ट्रिय फुटबल प्रतियोगिताको उपाधि जितेको छ । द ओसन क्लबको आयोजनामा गोरखा नगरपालिका–९ स्थित एस्ट्रो टर्फमा शनिबार थ्री स्टार क्लबलाई पेनाल्टी सुट आउटमा ३-२ ले हराउँदै क्यासी च्याम्पियन बनेको हो ।निर्धारित समयमा १–१ को बराबरी भए पछि खेल पेलान्टी सुटआउटमा गएको थियो । क्यासी २० हजार रुपैयाँ, ट्रफी […]

April 14, 2024

ब्रुनोको दुई गोलमा युनाइटेड हारबाट जोगियो

एजेन्सी – कप्तान तथा मिडफिल्डर ब्रुनो फर्नान्डेसले दुई गोल गरेपछि म्यानचेस्टर युनाइटेड इंग्लिस प्रिमियर लिगमा हारबाट जोगिएको छ । खेलमा दुईपटक पछि परेको स्थितिमा ब्रुनोले दुई गोल गरेपछि युनाइटेडले घरेलु टोली बर्नमाउथसँग २–२ गोलको बराबरी खेलेको हो । बर्नमाउथका डोमिनिक सोलांके र जस्टिन क्लुइभर्टले गोल गरेपनि जित निकाल्न सकेन । बर्नमाउथमा शनिबार राति भएको खेलको […]

Success

Thank you for your time.