default_image

1 year ago

October 25, 2022

च्याम्पियन्स लिग : नकआउट चरण पुग्न कसलाई के आवश्यक?

एजेन्सी – युरोपेली च्याम्पियन्स लिग अन्तर्गत समूह चरणको चार खेल समाप्त भइसकेको छ । पाँच टोलीले नकआउट चरणमा स्थान पक्का गर्दा ११ स्थानको टुंगो हुन बाँकी छ । प्रिमियर लिगबाट म्यानचेस्टर सिटीले अन्तिम १६ मा स्थान पक्का गर्दा लिभरपुल, चेल्सी र टोटेनहमले अझै अंक जोड्न बाँकी छ । हालसम्म सिटीसँगै नेपोली, क्लब ब्रुजा, बायर्न म्युनिख […]

114 views

0 Bookmark

एजेन्सी – युरोपेली च्याम्पियन्स लिग अन्तर्गत समूह चरणको चार खेल समाप्त भइसकेको छ । पाँच टोलीले नकआउट चरणमा स्थान पक्का गर्दा ११ स्थानको टुंगो हुन बाँकी छ ।

प्रिमियर लिगबाट म्यानचेस्टर सिटीले अन्तिम १६ मा स्थान पक्का गर्दा लिभरपुल, चेल्सी र टोटेनहमले अझै अंक जोड्न बाँकी छ । हालसम्म सिटीसँगै नेपोली, क्लब ब्रुजा, बायर्न म्युनिख र रियल म्याड्रिडले नकआउट चरणमा स्थान बनाइसकेका छन् । सहभागी ३२ क्लबमध्य सेल्टिक, रेन्जर्स र भिक्टोरिया प्लेजन मात्र समूह चरणबाट बाहिरिने पक्का भएको छ ।

समूह ए :

नेपाली १२, लिभरपुल ९, आयाक्स ३, रेन्जर्स ०

नेपोली १२ अंक जोड्दै अन्तिम १६ मा पुगेको छ । अब ९ अंकसहित दोस्रो स्थानमा रहेको लिभरपुलले आयाक्सविरुद्ध बराबरी खेलेपनि अर्को चरणमा पुग्नेछ ।

समूह बी :

क्लब ब्रुजा १०, पोर्टो ६, एटलेटिको म्याड्रिड ४, बायर लेभरकुसन ३

क्लब ब्रुजा यस समूहमा ४ खेलमा १० अंकसहित अपराजित रहेर अघि बढिसकेको छ । पोर्टो (६ अंक) र एटलेटिको म्याड्रिड (४ अंक) दुवै एक अर्कासँग अन्तिम खेल खेल्न बाँकी छ । आज पोर्टो जितेर एटलेटिको हार्दा भने पोर्टो अन्तिम १६ मा जानेछ ।

समूह सी :

बायर्न म्युनिख १२, इन्टर मिलान ७, बार्सिलोना ४, भिक्टोरिया प्लेजन ०

बायर्न म्युनिख १२ अंक जोड्दै अघि बढिसकेको छ । इन्टर मिलानले बुधबार पहिलो खेलमा भिक्टोरिया प्लेजनलाई पराजित गरे अन्तिम १६ मा पुग्नेछ । यसो हुँदा बार्सिलोना बायर्नविरुद्ध खेल्नुअघि नै युरोपा लिगमा पुगिसकेको हुनेछ ।

समूह डी :

टोटेनहम हट्सपर ७, मार्से ६, स्पोर्टिङ लिस्बन ६, आइनट्राक्ट फ्रान्कफर्ट ४

टोटेनहमले लिस्बनलाई पराजित गरे अन्तिम १६ मा स्थान पक्का गर्नेछ । स्पर्सको जितसँगै मार्सेले फ्रान्कफर्टलाई पराजित गरे फ्रान्सेली टोलीले पनि अर्को चरणमा स्थान बनाउनेछ ।

समूह ई :

चेल्सी ७, साल्जबर्ग ६, एसी मिलान ४, डिनामो जाग्रेब ४

चेल्सीले साल्ज्बर्गलाई पराजित गरे अन्तिम १६ मा स्थान बनाउनेछ । एसी मिलानले जाग्रेबलाई पराजित गरेको अवस्थामा भने चेल्सीलाई शीर्ष २ मा बस्न बराबरी पर्याप्त हुनेछ । साल्जबर्गले अन्तिम १६ मा पुग्न चेल्सीलाई हराएर मिलानको हारको कामना गर्नुपर्नेछ ।

समूह एफ :

रियल म्याड्रिड १०, आरबी लाइप्जिग ६, शाख्तर डोनेस्क ५, सेल्टिक १

लाइप्जिगले रियलमाथि जित हासिल गर्दै सेल्टिक विजयी भए जर्मन टोलीले अन्तिम १६ मा स्थान पक्का गर्नेछ । सेल्टिकले भने युरोपा लिगमा पुग्न जित दर्ता गर्नुपर्नेछ ।

समूह जी :

म्यानचेस्टर सिटी १०, बोरुसिया डर्टमुन्ड ७, सेभिया २, कोपेनहेगन २

डर्टमुन्डले सिटीलाई हराए अर्को चरणमा स्थान पक्का गर्नेछ । यस्तै सेभिया र कोपेनहेगनले बराबरी खेले आफ्नो खेल नाखेल्दै जर्मन टोली अघि बढ्नेछ ।

समूह एच :

पेरिस सेन्ट जर्मेन ८, बेन्फिका ८, युभेन्ट्स ३, मक्कबी हाइफा ३

बेन्फिका र पिएसजी दुवै आ-आफ्नो खेलमा जित हासिल गर्दै अघि बढ्न सक्छन् । युभेन्ट्स भने अर्को चरणमा पुग्ने सम्भावना कायम राख्न बेन्फिकाको मैदानमा जित्नुपर्ने बाध्यतामा छ ।

April 16, 2024

पुलिस जीतपुरसिमरा गोल्डकप च्याम्पियन

सुनिल गाउँले, सिमरा नेपाल पुलिस क्लबले जगदम्बा स्टिल १४ औं जीतपुरसिमरा गोल्डकप फुटबल प्रतियोगिताको उपाधि जितेको छ । सिमरा रंगशालामा सोमबार भएको प्रतिस्पर्धात्मक फाइनल खेलमा मच्छिन्द्र क्लबलाई टाइब्रेकरमा ४–३ ले हराउँदै पुलिसले वर्षको पहिलो उपाधि जितेको छ । निर्धारित ९० मिनेट र थप समय गोलरहित बराबरीमा टुंगिएपछि टाइब्रेकरमा पुलिसले बाजी मारेको थियो । परिवर्तित गोलकिपर […]

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

Success

Thank you for your time.