एजेन्सी – युइएफए च्याम्पियन्स लिगमा एसी मिलानले सानदार जित दर्ता गर्दै नकआउट चरण पुग्ने सम्भावना बलियो बनाएको छ ।

मिलानले घरेलु टोली डिनामो जाग्रिवलाई ४–० को सानदार जित निकाल्दै अन्तिम १६ मा पुग्ने सम्भावना बलियो बनाएको हो ।

जाग्रिवमा मंगलबार राति भएको एकपक्षीय खेलमा मिलानको जितमा माटियो गाविया, राफायल लियो र ओलिभर जिरुउडले गोल गर्दा एक गोल उपहार पाएको थियो । पहिलो हाफमा १–० को अग्रता लिएको मिलानले दोस्रो हाफमा तीन गोल थपेको थियो ।

३९औं मिनेटमा माटियो गाब्बियाले गोल गर्दै मिलानलाई १–० को अग्रता दिलाए । उनले सान्द्रो टोनालीको पासमा गोल गर्न सफल भएका थिए । ४९औं मिनेटमा राफायल लियाले गोल गर्दै मिलानको अग्रता दोब्बर पारे ।

५९औं मिनेटमा ओलिभर जिरुउडले पेनाल्टीमा गोल गर्दै मिलानलाई ३–० ले अघि बढाए । त्यसपछि रोबर्टले आत्मघाती गोल गरेपछि मिलानले सानदार जित निकाल्न सफल भयो ।

यस जितसँगै मिलानले समूह ‘ईं’ मा ५ खेलबाट ७ अंक जोडेको छ । पराजित डिनामो ४ अंक जोडेर पुछारमा छ । यो समूहबाट चेल्सी १० अंक जोडेर शीर्षस्थानमा रहेर प्रि–क्वाटरफाइनलमा पुगिसकेको छ ।

अब यो समूहबाट मिलान र साल्जवर्गमध्येबाट एक टोलीले अन्तिम १६ मा स्थान बनाउनेछन् । अब मिलान र साल्जवर्गबीच अर्काे साता प्रतिस्पर्धा हुँदैछ । यस खेलमा सफलता हात पार्ने टोलीले नकआउट चरणमा स्थान बनाउनेछ ।